جول سالۋعا ارنالعان جەر تەلىمدەرىنىڭ قولدانىس ماقساتىن وزگەرتۋگە موراتوري جاريالانادى
استانا. KAZINFORM - پرەمەر-مينيستر ولجاس بەكتەنوۆ اكىمدەرگە جول سالۋعا ارنالعان جەر تەلىمدەرىنىڭ قولدانىس ماقساتىن وزگەرتۋگە موراتوري جاريالاۋدى تاپسىردى.

- الداعى ۋاقىتتا جوبالاردىڭ قىمباتتاپ، مەرزىمدەردىڭ سوزىلىپ كەتۋىنە جول بەرمەۋ ءۇشىن بارلىق دايىندىق جۇمىستارىن ەرتە باستاپ جۇرگىزۋ كەرەك. اكىمدىكتەرگە بولاشاق جوبالارعا ارنالعان جەرلەردى رەزەرۆكە قويىپ، ول تەلىمدەردى بەرۋگە جانە نىسانالى ماقساتتارىن وزگەرتۋگە موراتوري جاريالاۋدى تاپسىرامىن، - دەدى ول ۇكىمەت وتىرىسىندا.
ۇكىمەت باسشىسى ءتيىستى مينيسترلىكتەرگە دە تاپسىرما بەردى.
- ونەركاسىپ مينيسترلىگى اكىمدىكتەرمەن بىرلەسىپ، اۆتوجول جوبالارىنا تارتىلعان كارەرلەردىڭ قۇجاتتارىن راسىمدەۋ قاجەت. كولىك مينيسترلىگى جول سالۋعا قاجەتتى جەرلەردى مەملەكەت مۇقتاجى ءۇشىن جەدەل ساتىپ الۋدى زاڭناما دەڭگەيىن رەتتەۋ ماسەلەسىن پىسىقتاسىن، - دەدى ولجاس بەكتەنوۆ.
بۇعان دەيىن بيىل ەلدەگى اۆتوجولداردىڭ اقىلى ۋچاسكەلەرىندەگى تاريفتەر ورتا ەسەپپەن 30 پايىزعا ءوسۋى جوسپارلانعانى ءمالىم بولعان ەدى.