جەتىسۋدا 26 مىڭ گەكتار جەر مەملەكەتكە قايتارىلدى
تالدىقورعان. KAZINFORM - جەتىسۋ وبلىسىنىڭ قاراتال اۋدانىندا قۇنى 111 ميلليون تەڭگە بولاتىن جەر يگەرىلمەي جاتقان. بۇل تۋرالى جەتىسۋ وبلىسىنىڭ پروكۋراتۋراسى مالىمدەدى.

قاراتال اۋدانىنداعى كاسىپكەرلەر زاڭ تالاپتارىن بەلدەن باسىپ كەلگەن. ياعني، جەردى مەملەكەتتەن ەگىن ەگەمىن، كاسىپ جاسايمىن دەپ جالعا الىپ، ءبىراق ماقساتتى پايدالانباعان. زاڭبۇزۋشىلىقتى تەكسەرىس بارىسىندا قۇزىرلى ورگان وكىلدەرى يگەرىلمەگەن 38 جەر ۋچاسكەسىن انىقتاعان.
- قاراتال اۋدانى پروكۋراتۋراسىنىڭ قاداعالاۋ اكتىسى بويىنشا جالپى اۋدانى 26 مىڭ گەكتار، كاداسترلىق قۇنى 111 ميلليون تەڭگە بولاتىن جەر مەملەكەتكە قايتارىلدى. مەملەكەت باسشىسىنىڭ 2024 -جىلعى 2-قىركۇيەكتەگى جولداۋى شەگىندە جەرگىلىكتى اتقارۋشى ورگاندارعا ادال سۋبەكتىلەرگە پايدالانۋى ءۇشىن قايتارىلعان جەرلەردى بەرۋگە باعىتتالعان. بۇل باعىتتا جۇمىستار اتقارىلىپ جاتىر، - دەدى جەتىسۋ وبلىستىق پروكۋراتۋراسى.
ەسكە سالايىق، وسىعان دەيىن تالدىقورعانداعى ورتالىق ساياباقتىڭ سەنىمگەرلىك باسقارۋعا بەرىلگەنىن جازعانبىز.
اۆتور
ايبەك قۇتتىبەك