جۇمىسشى ماماندىقتاردىڭ مارتەبەسىن كوتەرۋ كەرەك - ەدىل جاڭبىرشين
استانا. KAZINFORM - اۋىل شارۋاشىلىعى سالاسىندا جەڭىلدەتىلگەن نەسيە بەرۋ ماسەلەسىن قاراستىرۋى كەرەك. بۇل تۋرالى ءماجىلىس دەپۋتاتى ەدىل جاڭبىرشين ءمالىم ەتتى.
«بانكتەر اۋىل شارۋاشىلىعى باعىتىنا قاتىستى جەڭىلدەتىلگەن نەسيە بەرۋ ماسەلەسىن قاراستىرۋى كەرەك. ماسەلەن، پارلامەنت دەپۋتاتتارى اگروبانك قۇرۋ كەرەك ەكەنىن ءبىرازدان بەرى ايتىپ ءجۇر. ءوزىم دە وسى يدەيانى قولدايمىن»، - دەدى ە. جاڭبىرشين.
سونىمەن قاتار دەپۋتات جولداۋ اياسىندا جۇمىسشىلاردىڭ مارتەبەسىن كوتەرۋ تاقىرىبىنا توقتالدى.
«جۇمىسشى ماماندىقتاردىڭ مارتەبەسىن كوتەرۋدى وتە دۇرىس دەپ ەسەپتەيمىن. قاجەت بولسا، ءتيىستى زاڭدارعا وزگەرىس ەنگىزۋگە بولادى. بۇل رەتتە، «مەملەكەتتىك ناگرادالارى تۋرالى» زاڭعا وزگەرىس ەنگىزىلۋى مۇمكىن. جالپى، قاراپايىم جۇمىسشىنىڭ مارتەبەسى كوتەرىلمەسە، وندا ءوندىرىستى دە، اۋىل شارۋاشىلىعىن دا دامىتۋ قيىنعا تۇسەدى. سوندىقتان پرەزيدەنتتىڭ كوتەرگەن ۇسىنىستارى ماڭىزدى دەپ ويلايمىن»، - دەدى دەپۋتات.
ايتا كەتەيىك، بۇگىنگى جولداۋدا مەملەكەت باسشىسى قاسىم-جومارت توقايەۆ 2025 -جىلدى جۇمىسشى ماماندىقتارى جىلى دەپ جاريالادى.
«وسى ۋاقىت ىشىندە تەحنيكالىق جانە كاسىبي ءبىلىم بەرۋ جۇيەسىن رەفورمالاۋ قاجەت. سونداي-اق ءبىز جۇمىسشى ماماندىقتاردى دارىپتەۋ ارقىلى قوعامدا ەڭبەكقور جانە ناعىز مامان بولۋ يدەياسىن ناسيحاتتايمىز»، - دەدى قاسىم-جومارت توقايەۆ.
سونىمەن قاتار پرەزيدەنت «بانكتەر تۋرالى» جاڭا زاڭ قاجەت ەكەنىن ايتتى.
