جەكەنىڭ قولىندا كەتكەن قورعاستىڭ تەرمينالى مەملەكەتكە قايتارىلدى

استانا. KAZINFORM - پروكۋروردىڭ شاعىمىمەن «قورعاس» شەكاراماڭى ىنتىماقتاستىق حالىقارالىق ورتالىعىنىڭ مۇلكى قايتارىلدى.

پروكۋراتۋرا ورگاندارى تەكسەرۋ كەزىندە 2018 -جىلى 900 شارشى مەتردەن اساتىن «قورعاس» شەكاراماڭى ىنتىماقتاستىعى حالىقارالىق ورتالىعىنىڭ باگاج تەرمينالى 90 ميلليون تەڭگەگە ساتىلعانىن انىقتادى.

كەيىننەن 2023 -جىلى ونىڭ استىنداعى 1,9 گ ا جەر ۋچاسكەسىن 500 مىڭ تەڭگەگە ۋاقىتشا پايدالانۋعا قوسىمشا ساتۋ- ساتىپ الۋ شارتى جاسالدى.

الايدا تاراپتار مۇلىك ساتۋ ەرەجەلەرىن ساقتاماعان، مۇلىكتى باعالاۋ بەكىتىلگەن ستاندارتتاردى ورەسكەل بۇزا وتىرىپ جۇرگىزىلگەن.

ونىڭ ۇستىنە جەر تەلىمىن يەلىكتەن شىعارۋ عيمارات ساتىلعان سوڭ 4 جىلدان كەيىن جۇزەگە اسقان.

وسىعان بايلانىستى پروكۋرورلار بۇل اكتيۆتەردى مەملەكەت مەنشىگىنە قايتارۋ ءۇشىن سوتقا جۇگىندى.

جەتىسۋ وبلىسىنىڭ مامانداندىرىلعان اۋدانارالىق ەكونوميكالىق سوتىنىڭ بيلعى 19 -ناۋرىزداعى زاڭدى كۇشىنە ەنگەن شەشىمىمەن تالاپتار قاناعاتتاندىرىلدى، شارت جارامسىز دەپ تانىلدى.