جەكە ءۇيىن سالۋعا اسكەري قىزمەتشىلەردى پايدالانعان كۇلشىمبايەۆ 5 جىلعا سوتتالدى
استانا. قازاقپارات - توتەنشە جاعدايلار جونىندەگى بۇرىنعى ءبىرىنشى ۆيتسە-مينيستر ي. كۇلشىمبايەۆ 5 جىلعا باس بوستاندىعىنان ايرىلدى.
ۇكىمدى اقمولا گارنيزونىنىڭ اسكەري سوتى شىعاردى.
ول ءوزىنىڭ جەكە ءۇيىن سالۋ ءۇشىن اسكەري قىزمەتشىلەر مەن ارنايى تەحنيكانى تارتۋ تۋرالى ق ر توتەنشە جاعدايلار مينيسترلىگىنىڭ ۆەدومستۆولىق باعىنىستى مەكەمەلەرىنىڭ باسشىلىعىنا زاڭسىز نۇسقاۋلار بەرۋ ارقىلى بيلىكتى اسىرا پايدالانعانى ءۇشىن كىنالى دەپ تانىلدى، - دەدى سىبايلاس جەمقورلىققا قارسى ءىس-قيمىل اگەنتتىگى رەسمي وكىلى دانيار بيگايداروۆ بريفينگتە.
سوت ۇكىمىمەن وعان مەملەكەتتىك قىزمەتتە جانە كۆازيمەملەكەتتىك سەكتور سۋبەكتىلەرىندە قىزمەت اتقارۋعا ءومىر بويىنا تىيىم سالىنىپ، 5 جىل مەرزىمگە باس بوستاندىعىنان ايىرۋ تۇرىندەگى جازا بەرىلدى.
سوت مەملەكەت باسشىسىنىڭ اتىنا كۇلشىمبايەۆتى گەنەرال-مايور اسكەري اتاعىنان ايىرۋ تۋرالى ۇسىنىس ەنگىزۋگە قاۋلى ەتتى. ۇكىم زاڭدى كۇشىنە ەنگەن جوق، - دەدى بيگايداروۆ.
BAQ. KZ
