22:05, 26 - قىركۇيەك 2024 | GMT +6
جەدەل جاردەم: ءبىر دە ءبىر شاقىرتۋ نازاردان تىس قالمايدى
استانا. قازاقپارات - جەدەل مەديتسينالىق كومەك كورسەتۋ قاعيدالارىنا وزگەرىس ەنگىزۋ تۋرالى بۇيرىق جوباسىنىڭ مازمۇنى الەۋمەتتىك جەلىدە قاتە تۇسىندىرىلگەن. بۇل جونىندە دەنساۋلىق ساقتاۋ مينيسترلىگى حابارلادى.
ۆەدومستۆونىڭ رەسمي وكىلى ايگەرىم ورازاليەۆانىڭ ايتۋىنشا، 103 نومىرىنە قوڭىراۋ شالۋ ارقىلى بارلىق پاتسيەنت شاقىرتۋ ساناتىنا قاراماستان كومەك الا الادى. سونىمەن قاتار جۇمىس ۋاقىتىندا 4- ساناتتاعى شاقىرتۋلارعا قىزمەت كورسەتۋ ءۇشىن مەديتسينالىق- سانيتاريالىق بريگادالار جۇمىلدىرىلادى. كەشتە جانە تۇندە، دەمالىس كۇندەرى بارلىق ساناتتاعى شاقىرتۋلارعا جەدەل كومەك بريگادالارى تارتىلادى. «ءبىر دە ءبىر شاقىرتۋ نازاردان تىس قالمايدى جانە قىزمەت كورسەتۋ ساپاسى ودان ءارى جاقسارادى» دەلىنگەن حابارلامادا.
