جاساندى ينتەللەكتىنىڭ جاھاندىق ەكونوميكاعا ۇلەسى 20 تريلليون دوللارعا جەتەدى - بەكتەنوۆ

الماتى. KAZINFORM - جاساندى ينتەللەكتتىڭ جاھاندىق مودەلى باسەكەگە قابىلەتتىدەن كووپەراتسياعا جىلدام اۋىسىپ جاتىر. بۇل تۋرالى Digital Almaty 2025 سيفرلىق فورۋمى بارىسىندا ق ر پرەمەر-ءمينيسترى ولجاس بەكتەنوۆ ايتتى.

Олжас Бектенов предложил странам ЕАЭС объединиться для развития ИИ на базе Alem.ai
Фото: Александр Павский / Kazinform

ولجاس بەكتەنوۆ 2030-جىلعا قاراي جاساندى ينتەللەكتتىڭ جاھاندىق ەكونوميكاعا قوساتىن ۇلەسى 20 تريلليون دوللارعا جەتەتىنىن اتاپ ءوتتى.

- جەتەكشى IDC ساراپتاما كومپانياسىنىڭ زەرتتەۋلەرىنە سايكەس، 2030-جىلعا قاراي جاساندى ينتەللەكتتىڭ جاھاندىق ەكونوميكاعا قوساتىن ۇلەسى 20 تريلليون دوللارعا جەتەدى. سونىمەن قاتار، تەك قانا AI ارقاسىندا جالپى ىشكى ءونىمنىڭ جىل سايىن %2-3 ءوسۋىن قامتاماسىز ەتۋگە بولادى. بۇل مۇمكىندىكتى ەلدەرىمىزدىڭ ەكونوميكاسىن دامىتۋ ءۇشىن پايدالانۋ كەرەك، - دەدى ۇكىمەت باسشىسى.

سونداي-اق ول جاساندى ينتەللەكتتىڭ الەمدە ايتارلىقتاي تارالۋىنا ىقپال ەتەتىن ءۇش نەگىزگى اسپەكتىنى اتادى.

- ءبىرىنشىسى - ادامي كاپيتالدى دامىتۋ. جاساندى ينتەللەكتتىڭ جاھاندىق مودەلى باسەكەگە قابىلەتتىدەن كووپەراتسياعا جىلدام اۋىسۋدا. وسى ماقساتقا جەتۋ ءۇشىن IT سالاسىنىڭ الەمدىك كوشباسشىلارى بىرىگىپ، عىلىمي جوبالارىن بىرلەسىپ جۇزەگە اسىرۋدى قولعا الدى. بەلگىلى پلاتفورمالاردا ەنتۋزياستار وزدەرىنىڭ جوبالارىمەن اشىق بولىسەدى. ولار مۇنى جالپى تەحنولوگيالىق دامۋ ءۇشىن جاسايدى. ءبىز بۇل تاجىريبەنى ءوزىمىزدىڭ جانە بىرلەسكەن جوبالارىمىز ءۇشىن پايدالانۋىمىز كەرەك، - دەدى ولجاس بەكتەنوۆ.

ايتا كەتەيىك، Digital Almaty فورۋمىندا بەلارۋس، قازاقستان، قىرعىزستان، رەسەي جانە ارمەنياننىڭ ۇكىمەت باسشىلارى سيفرلىق جوبالار كورمەسىمەن تانىسىپ، پلەنارلىق سەسسياعا قاتىسىپ جاتىر.

Digital Almaty حالىقارالىق تەحنولوگيالىق جەتىنشى فورۋمىنىڭ ەرەكشەلىگى - ول جاساندى ينتەللەكتىگە ارنالعان.

ەسكە سالايىق، الماتىدا Digital Almaty-2025 سيفرلىق فورۋمى ءوتىپ جاتىر. وعان 40 مىڭنان اسا ادام قاتىسۋدا.

سوڭعى جاڭالىقتار