17:27, 14 - قاراشا 2024 | GMT +6
جاركەنت گارنيزونىندا وفيتسەر جاراقات الىپ، كوز جۇمدى
استانا. KAZINFORM - وفيتسەر جوسپاردان تىس وقۋ-جاتتىعۋ بارىسىندا قاۋىپسىزدىك شاراسىن ساقتاماۋ سالدارىنان مەرت بولدى. وقيعانى ق ر قۇرلىق اسكەرلەرىنىڭ باسپا ءسوز قىزمەتى راستادى.
«14-قاراشادا ديۆەرسياعا قارسى قاۋىپسىزدىك بويىنشا جوسپاردان تىس ساباق بارىسىندا قاۋىپسىزدىك شاراسىن ساقتاماۋ سالدارىنان جاركەنت گارنيزونى اسكەري ءبولىمىنىڭ وفيتسەرى العان جاراقاتتان كوز جۇمدى»، - دەلىنگەن حابارلامادا.
اقپاراتتا ايتىلعانداي، قىلمىستىق ءىس قوزعالدى، تەرگەۋ مۇددەسى ءۇشىن وزگە دە اقپارات جاريالاۋعا جاتپايدى.
«قۇرلىق اسكەرلەرىنىڭ قولباسشىلىعى مارقۇمنىڭ تۋىستارى مەن جاقىندارىنا كوڭىل ايتادى، ولارعا بارلىق قاجەتتى كومەك كورسەتىلەدى»، - دەيدى اسكەري ۆەدومستۆودان.
اۆتور
داۋلەت ىزتىلەۋ
