جانىبەك ءالىمحان ۇلى كانەلومەن بولاتىن جەكپە- جەك تۋرالى مالىمدەمە جاسادى

استانا. KAZINFORM - قازاقستاندىق بوكسشى جانىبەك ءالىمحان ۇلى (15-0، 10 ك و) پروموۋتەرى بوب ارۋمدى ءوزى ءۇشىن ۇلكەن جەكپە-جەك ۇيىمداستىرۋعا شاقىردى، دەپ جازادى Sports.kz.

ءالىمحان ۇلى Twitter پاراقشاسىندا بوب ارۋم مەن ساۋد ارابياسىنىڭ ويىن- ساۋىق ىستەرى جونىندەگى باس باسقارماسىنىڭ ءتوراعاسى تۋركي ال-اش-شەيحتىڭ بىرلەسكەن سۋرەتىنە قاتىستى پىكىر ءبىلدىردى.

«مەن كوپ كۇتە المايمىن! ءسىز ءبارىن شەشەدى دەپ ۇمىتتەنەمىن. كانەلو ما؟ چارلو ما؟ Benavides پا؟» - دەپ جازدى جانىبەك.

بۇعان دەيىن WBO جانە IBF تۇجىرىمى بويىنشا ورتا سالماقتاعى الەم چەمپيونى جانىبەك ءالىمحان ۇلى كاسىپقوي بوكستاعى باستى ماقساتى - ءتورت تۇجىرىم بويىنشا چەمپيون اتانىپ، تاريحتا قالعىسى كەلەتىنىن ايتقان ەدى.

«مەن ءتورت تيتۋلعا يە بولۋ جانە ابسوليۋتتى چەمپيون اتانۋ ءۇشىن ءبارىن جاساۋعا دايىنمىن. ءبىز دۇنيە جۇزىنە تانىمال بولۋ ءۇشىن ايانباي ەڭبەكتەنۋدەمىز جانە سول ءۇشىن قولىمىزدان كەلگەننىڭ ءبارىن ىستەيمىز. بۇل دارەجەگە جەتۋ جولىندا مەن مىقتىلارمەن، تانىمال بوكسشىلارمەن جەكپە-جەك وتكىزۋىم كەرەك. الداعى ۋاقىتتا كانەلو الۆارەس، داۆيد بەناۆيدەس سىندى جۇلدىزدارمەن جۇدىرىقتاسۋدى جوسپارلاپ وتىرمىز»، - دەدى ءالىمحان ۇلى Boxingscene.com سايتىنا بەرگەن سۇحباتىندا.

اۆتور

ەركەجان سماعۇلوۆا