جاعدايعا ناقتى قاراۋىمىز كەرەك - پرەزيدەنت ەكونوميكانىڭ كومىرسۋتەكسىز سەكتورىن كەڭەيتۋ جايىندا
استانا. KAZINFORM - پرەزيدەنت قاسىم-جومارت توقايەۆ قاتارلىق Al Jazeera تەلەارناسىنا ەكسكليۋزيۆ سۇحبات بەردى.
Al Jazeera: ءسىز 2029-جىلعا قاراي قازاقستان ەكونوميكانىڭ كومىرسۋتەكسىز سەكتورىن كەڭەيتۋدى مۇرات ەتىپ وتىرعانىن ايتتىڭىز. مەنىڭشە، قازىرگى ۋاقىتتا كومىرسۋتەگى سەكتورى قازاقستان ەكسپورتىنىڭ 50 پايىزدان استامىن قۇرايدى. قالاي ويلايسىز، 2029-جىلعا قاراي قازاقستان ەكسپورتىنىڭ نەگىزىن كومىرسۋتەگى ەمەس سەكتوردىڭ قۇراۋىنا قول جەتكىزە الاسىز با؟
- شىنىن ايتۋ كەرەك، كومىرسۋتەگى ەكسپورتى ءالى دە بولسا ءبىزدىڭ حالىقارالىق نارىقتاعى ساۋدا- ساتتىعىمىزدىڭ باسىم بولىگىن قۇراپ وتىر. ءبىز جاعدايعا ناقتى قاراۋىمىز كەرەك. مەن قازاقستاننىڭ 2060-جىلى كومىرتەگى بەيتاراپتىعىنا قول جەتكىزگەن ەلگە اينالاتىنىن ايتقان ەدىم. مەنىڭ پايىمداۋىمشا، بۇل ءبىزدىڭ ىشكى الەۋەتىمىز بەن مۇمكىندىگىمىزگە نەگىزدەلگەن شىنايى ءارى قولجەتىمدى باعدارلاما.
ەلدىڭ ىشكى ەنەرگيا تۇتىنۋىندا كومىردىڭ ۇلەسى 73 پايىزدى قۇرايدى. ءبىز ءبىر ساتتە كومىردەن باس تارتا المايمىز. بۇل تۇسىنىكتى جاعداي. بىزدە مۇناي سىندى تابيعي رەسۋرس بار. ۋران وندىرۋدەن الەمدە 1-ورىندا تۇرمىز. ونىڭ 40 پايىزىن الەمدىك نارىققا قازاقستان جەتكىزىپ وتىر.
بۇعان دەيىن مەملەكەت باسشىسى ب ۇ ۇ قاۋىپسىزدىك كەڭەسى داعدارىسقا ۇشىراپ جاتقانىن ايتتى.
