جاپپاي جول اپاتى جيىلەپ كەتتى - ۇكىمەت باسشىسى
استانا. KAZINFORM - ۇكىمەت باسشىسى ولجاس بەكتەنوۆ تۇرعىنداردىڭ قولايسىز اۋا رايىندا جولعا شىقپاۋ كەرەكتىگىن ءتۇسىندىرۋ جۇمىستارىن كۇشەيتۋ قاجەتتىگىن ايتتى.
- تاعى ءبىر نازار اۋداراتىن ماسەلە - جاپپاي جول اپاتى جيىلەپ كەتتى. مىسالى، قاڭتار ايىنىڭ باسىندا «استانا - شۋچينسك» باعىتىندا رەزونانس تۋدىرعان جول اپاتى بولدى. وسىنداي وقيعا «استانا - قاراعاندى» تراسساسىندا دا تىركەلدى، - دەدى ولجاس بەكتەنوۆ ۇكىمەت وتىرىسىندا.
وسى ورايدا پرەمەر-مينيستر قولايسىز اۋا رايى كەزىندە تۇرعىنداردى حابارلاندىرۋ جۇمىستارىن جەتىلدىرۋدى تاپسىردى.
- اۋا رايىنىڭ بۇزىلۋى جانە جۇرگىزۋشىلەردى جول اپاتتارى تۋرالى ەسكەرتۋگە ءتيىس قولدانىستاعى ادىستەردىڭ ءتيىمسىز ەكەنىن كورۋگە بولادى. قىس ايلارىندا جانە قولايسىز اۋا رايى كەزىندە ەڭ جوعارى جىلدامدىقتى تومەندەتۋ بويىنشا وزىق تاجىريبەنى پايدالانۋ كەرەك. قولايسىز اۋ رايىندا الىس جولعا شىعۋعا بولمايتىنى تۋرالى حالىق اراسىندا ءتۇسىندىرۋ جۇمىستارىن كۇشەيتۋ قاجەت. سيفرلىق شەشىمدەردى قولدانا وتىرىپ، جۇرگىزۋشىلەردى جولداعى احۋال تۋرالى ۋاقتىلى ەسكەرتىپ وتىرۋ كەرەك. راديو مەن الەۋمەتتىك جەلىلەردى پايدالانعان ءجون. قاۋىپتى ۋچاسكەلەر الدىندا ەلەكتروندى تابلولار مەن ۋاقىتشا بەلگىلەر ورناتىلۋعا ءتيىس، - دەيدى ول.
ەسكە سالا كەتسەك، 3-قاڭتاردا استانا- شۋچە تاس جولىندا 40 قا جۋىق اۆتوكولىك سوقتىعىستى.
«استانا- شۋچە» تاس جولىنداعى جاپپاي كولىك اپاتىندا 95 كە جۋىق اۆتوكولىك زارداپ شەكتى.
اۆتور
اسحات رايقۇل
