جاڭا سيفرلىق دامۋ ءمينيسترى انت بەردى
استانا. KAZINFORM - ۇكىمەت وتىرىسىندا سيفرلىق دامۋ، يننوۆاتسيالار جانە اەروعارىش ءمينيسترى جاسلان ماديەۆ انت قابىلدادى.
«قازاقستان حالقى مەن پرەزيدەنتى الدىندا ءوز وتانىم - قازاقستاننىڭ ەكونوميكالىق جانە رۋحاني دامۋ ىسىنە بارلىق كۇش-جىگەرىم مەن ءبىلىمىمدى جۇمساۋعا، مەملەكەتتىڭ كونستيتۋتسياسى مەن زاڭدارىن قاتاڭ ساقتاۋعا، ءوزىمنىڭ بارلىق ءىس ارەكەتىمدە زاڭدىلىق پەن ادىلەتتىلىك، ازاماتتىق، ۇلتارالىق جانە كونفەسسياارالىق تاتۋلىق پرينتسيپتەرىن ۇستانۋعا، قازاقستان حالقىنا ادال قىزمەت ەتۋگە، ءوز ەلىمنىڭ مەملەكەتتىلىگى مەن دۇنيەجۇزىلىك قوعامداستىقتاعى بەدەلىن نىعايتا بەرۋگە سالتاناتتى تۇردە انت ەتەمىن»، - دەدى مينيستر.
ەسكە سالايىق، 6-مامىردا جاسلان ماديەۆ سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى بولىپ تاعايىندالعان بولاتىن.
اۆتور
ەسىمجان ناقتىباي
