جاڭا ەرەجە: جاياۋ جۇرگىنشى جاسىل تۇستە كولىكتىڭ مانيەۆردى اياقتاۋىن كۇتەدى

جول قوزعالىسى قاعيدالارى، كولىك قۇرالدارىن پايدالانۋعا رۇقسات بەرۋ جونىندەگى نەگىزگى ەرەجەلەرگە وزگەرىس ەنگىزىلەدى.

بۇل تۋرالى Kazinform ءتىلشىسى ق ر ىشكى ىستەر مينيسترلىگىنىڭ باسپا ءسوز قىزمەتىنە سىلتەمە جاساپ حابارلايدى.

جاڭا ەرەجەگە سايكەس، باعدارشامنىڭ جاسىل ءتۇسى جانعان كەزدە جاياۋ جۇرگىنشى جول قيىلىسىندا قوزعالىسىن باستاپ قويعان جۇرگىزۋشىگە مانيەۆرىن اياقتاۋ ءۇشىن جول بەرۋى كەرەك. وزگەرىس ەرەجەنىڭ «جاياۋ جۇرگىنشىنىڭ مىندەتتەرى» دەپ اتالاتىن 3-تاراۋىنا ەنگىزىلمەك.

«جاياۋ جۇرگىنشىلەر ءجۇرىس رەتتەلىپ تۇراتىن جەرلەردە - رەتتەۋشىنىڭ سيگنالىن نەمەسە جاياۋ جۇرگىنشىلەر باعدارشامىن، ال ول بولماعاندا، كولىك باعدارشامىن باسشىلىققا الادى. سونداي-اق باعدارشامنىڭ نەمەسە رەتتەۋشىنىڭ رۇقسات بەرۋ سيگنالى قوسىلعان كەزدە جاياۋ جۇرگىنشى جول قيىلىسى ارقىلى بۇرىن باستاعان قوزعالىستى اياقتاۋ ءۇشىن كولىك قۇرالدارىنا جول بەرەدى. بۇل نورما رەتتەلەتىن جاياۋ جۇرگىنشىلەر وتكەلدەرىنەن وتەتىن جاياۋ جۇرگىنشىلەرگە قويىلاتىن تالاپتاردى كۇشەيتۋگە مۇمكىندىك بەرەدى. سەبەبى قازىرگى ۋاقىتتا جاياۋ جۇرگىنشىلەر كوبىنەسە ءوز قاۋىپسىزدىگىنىڭ اسپەكتىلەرىن ەلەمەيدى جانە كولىك قۇرالدارىنىڭ بۇرىن باستاعان مانيەۆرىن اياقتاعانىنا كوز جەتكىزبەستەن باعدارشام سيگنالى بويىنشا جولعا شىعادى»، - دەپ جازىلعان ىشكى ىستەر ءمينيسترى بۇيرىعىنىڭ جوباسىندا.

ايتا كەتسەك، ق ر ىشكى ىستەر ءمينيسترىنىڭ «جول ءجۇرىسى قاعيدالارىن، كولىك قۇرالدارىن پايدالانۋعا رۇقسات بەرۋ جونىندەگى نەگىزگى ەرەجەلەردى، كولىگى ارنايى جارىق جانە دىبىس سيگنالدارىمەن جابدىقتالۋعا جانە ارنايى ءتۇستى-گرافيكالىق سحەمالار بويىنشا بويالۋعا ءتيىس جەدەل جانە ارنايى قىزمەتتەر تىزبەسىن بەكىتۋ تۋرالى» قازاقستان رەسپۋبليكاسى ىشكى ىستەر ءمينيسترىنىڭ 2023-جىلعى 30- ماۋسىمداعى 534№ بۇيرىعىنا وزگەرىستەر مەن تولىقتىرۋلار ەنگىزۋ تۋرالى» بۇيرىق جوباسى اشىق ن ق ا الاڭىنا ورنالاستىرىلعان.