21:42, 20 - قاڭتار 2025 | GMT +5
حۋسيتتەر الەم ەكونوميكاسىنا $200 ميلليارد شىعىن كەلتىردى
استانا. KAZINFORM - حۋسيتتەر الەم ەكونوميكاسىنا 200 ميلليارد دوللار شىعىن كەلتىردى. يەمەندىك قارۋلى توپ قىزىل تەڭىز ارقىلى وتكەن ساۋدا كەمەلەرىنە شابۋىل جاسادى. سوندىقتان سۋ كولىگىنىڭ كوبى افريكانى اينالىپ وتكەن.

وسىنىڭ كەسىرىنەن تاۋار تاسىمالىنىڭ باعاسى 5 ەسە كوتەرىلدى. بۇل تۋرالى بريتانيالىق «ەكونوميست» جۋرنالى حابارلادى. ءبىر رەيستىڭ قۇنى شامامەن 1 ميلليون دوللارعا تەڭ. سونداي-اق قىزىل تەڭىزدەگى تاسىمال تاريفتەرى 20 ەسە قىمباتتادى. مىسىر ەڭ ۇلكەن شىعىنعا ۇشىراپ، سۋەتس كانالىنان تۇسەتىن تابىستىڭ 7 ميلليارد دوللارىنان ايىرىلعان. ال ا ق ش كەمەلەرىن قورعاۋعا 5 ميلليارد دوللار جۇمسادى.