10:10, 13 - قازان 2024 | GMT +6
پحەنيان سەۋلگە «سوڭعى ەسكەرتۋ» جاسادى
استانا. KAZINFORM - سولتۇستىك كورەيا وڭتۇستىك كورەيادان ساياسي ءۇنپاراقتار جىبەرۋدى توقتاتۋىن تالاپ ەتتى. بۇل سوڭعى ەسكەرتۋ ەكەنىن ايتتى.
ايتپەسە شەكارادا اسكەري دايىندىق جاعدايىنا كوشىپ، شابۋىلعا ءوتۋىمىز دە عاجاپ ەمەس دەيدى.
رەسمي پحەنياننىڭ حابارلاۋىنشا، سەۋل ءۇنپاراقتار تاراتۋ ءۇشىن ۇشۋ اپپاراتتارىن ۇشىرۋ ارقىلى ەلدىڭ ەگەمەندىگى مەن قاۋىپسىزدىگىنە قاتەر توندىرەدى. ءبىراق وڭتۇستىك كورەيا بيلىگى كورشى ەلگە اپپاراتتاردى جىبەرمەگەنىن ايتىپ، ايىپتاردى جوققا شىعارىپ وتىر.
