حالىققا قىزمەت كورسەتۋ ورتالىقتارى پاسپورت پەن جەكە كۋالىكتى تەرمينال ارقىلى بەرە باستايدى

استانا. KAZINFORM - سيفرلىق دامۋ، يننوۆاتسيالار جانە ايەروعارىش ونەركاسىبى مينيسترلىگى بيومەتريالىق سايكەستەندىرۋ تەرمينالى ارقىلى پاسپورتتار مەن جەكە كۋالىكتەر بەرۋگە ارنالعان پيلوتتىق جوبا تۋرالى بۇيرىقتىڭ جوباسىن تالقىلاۋعا شىعاردى.

паспорт
Фото: Kazinform

- پيلوتتىق جوبامەن رەسپۋبليكالىق ماڭىزى بار قالالاردا جانە استانادا، وبلىستاردىڭ اكىمشىلىك ورتالىقتارىندا، سونداي- اق بايقوڭىر قالاسىندا قولدانىستاعى تارتىپكە بالاما نۇسقا رەتىندە «ازاماتتارعا ارنالعان ۇكىمەت» مەملەكەتتىك كورپوراتسياسى» كوممەرتسيالىق ەمەس اكسيونەرلىك قوعامىنىڭ فرونت- وفيستەرىندە بيومەتريالىق سايكەستەندىرۋدى پايدالانا وتىرىپ، قۇجاتتاۋ تەرمينالى ارقىلى «قازاقستان رەسپۋبليكاسىنىڭ ازاماتتارىنا پاسپورتتار، جەكە كۋالىكتەر بەرۋ» مەملەكەتتىك قىزمەتىن كورسەتۋ 2025 -جىلعى 1-قاڭتاردان باستاپ 2025 -جىلعى 31 -جەلتوقسانعا دەيىن ىسكە اسىرىلادى، - دەلىنگەن باسپا ءسوز- رەليزدە.

ەسكە سالساق، جىل باسىندا ءتولقۇجات پەن جەكە كۋالىك جاساتۋ قۇنى وزگەرگەن بولاتىن.

اۆتور

ەسىمجان ناقتىباي

سوڭعى جاڭالىقتار