ح و ك باسشىسى توماس باح 2025 -جىلى قىزمەتىنەن كەتەتىنىن ايتتى
پاريج. KAZINFORM - حالىقارالىق وليمپيادا كوميتەتىنىڭ (ح و ك) پرەزيدەنتى توماس باح سەنبى، 10-تامىز كۇنى پاريجدە وتكەن ح و ك- تىڭ 142-سەسسياسىندا 2025 -جىلى قىزمەتىنەن كەتەتىنىن مالىمدەدى.
Kazinform اگەنتتىگى بۇل تۋرالى DW- گە سىلتەمە جاساپ حابارلايدى.
«جاڭا ۋاقىت جاڭا كوشباسشىلاردى قاجەت ەتەدى»، - دەپ كەلتىرەدى باحتىڭ ءسوزىن Reuters.
وليمپيادا حارتياسىنا سايكەس، پرەزيدەنتتىڭ وكىلەتتىك مەرزىمى ەڭ كوبى ون ەكى جىلمەن شەكتەلەدى. توماس باح حالىقارالىق وليمپيادا كوميتەتىن 2013 -جىلدان بەرى باسقارىپ كەلەدى. مۋمبايدا وتكەن ح و ك سەسسياسىندا ۇيىمنىڭ بىرنەشە مۇشەسى باحتىڭ جاڭا مەرزىمگە سايلانۋىنا مۇمكىندىك بەرەتىن وليمپيادا حارتياسىنا تۇزەتۋ ەنگىزۋدى ۇسىنعان.
70 جاستاعى توماس باح ۇيىمنىڭ پاريجدەگى سەسسياسىندا: «وتباسىممەن تەرەڭ ويلانىپ، تالقىلاۋدان كەيىن مانداتىمدى مەرزىمىنەن اسىرماۋ كەرەك دەگەن قورىتىندىعا كەلدىم»، - دەدى.
ح و ك جاڭا پرەزيدەنتىن سايلاۋ ۇيىمنىڭ 2025 -جىلدىڭ ناۋرىز ايىندا گرەكيادا وتەتىن 143-سەسسياسىندا وتەدى. بۇل لاۋازىمعا ۇمىتكەر بولۋعا ءالى ەشكىم نيەت بىلدىرمەدى.
اۆتور
ەلميرا ورالبايەۆا
