فۋتبولدان وليمپيادانىڭ شيرەك فينالىنا شىققان كوماندالار بەلگىلى بولدى

پاريج. KAZINFORM - فرانسيا استاناسى پاريج قالاسىندا ءوتىپ جاتقان وليمپيادا ويىندارىندا ەرلەر اراسىنداعى (U-23) فۋتبول دوداسىنىڭ توپتىق كەزەڭى اياقتالىپ، شيرەك فينالعا شىققان بارلىق قۇراما انىقتالدى.

وليمپيادانىڭ توپتىق كەزەڭىندە 16 كوماندا ءوزارا باق سىنادى. ناتيجەسىندە ءار توپتاعى ۇزدىك 2 قۇراما پلەي-وفف كەزەڭىنە جولداما الىپ وتىردى.

ا توبىندا فرانسيا مەن ا ق ش، ب توبىندا ماروككو مەن ارگەنتينا، س توبىندا مىسىر مەن يسپانيا، ال D توبىنان جاپونيا مەن پاراگۆاي كەلەسى كەزەڭگە ءوتتى.

ەندى شيرەك فينالدا فرانتسيا مەن ارگەنتينا، مىسىر مەن پاراگۆاي، ماروككو مەن ا ق ش جانە جاپونيا مەن يسپانيا ءوزارا مىقتىنى انىقتايدى.

شيرەك فينال 2-تامىزدا، جارتىلاي فينال 5-تامىزدا وتەدى.

ال قولا مەدال ءۇشىنشى باسەكەلەر 8-تامىزعا، فينال 9-تامىزعا جوسپارلانعان.

ەستەرىڭىزگە سالا كەتسەك، بۇگىن شىلدەنىڭ سوڭعى كۇنىندە پاريج وليمپياداسىندا قازاقستاندىق سپورتشىلار سپورتتىڭ بەس تۇرىنەن - ترياتلون، ستەند اتۋ، بوكس، سپورتتىق گيمناستيكا جانە وق اتۋدان جارىس جولىنا شىعادى.

قازىرگە ەلىمىزدىڭ قۇراماسى 1 التىن، 2 قولا جۇلدەمەن جالپى مەدالدار كەستەسىندە 12- ورىندا كەلەدى.

اۆتور

كۇنسۇلتان وتارباي