فۋتبولدان ەۋروپا چەمپيوناتىندا دانيا مەن انگليا كەزدەسۋىندە جەڭىمپاز انىقتالعان جوق

استانا. KAZINFORM - فۋتبولدان 2024 -جىلعى ەۋروپا چەمپيوناتىنىڭ جەتىنشى ويىن كۇنىندە C توبىندا انگليا مەن دانيا شەبەرلىك بايقاستى.

جانكۇيەرلەر قوس قۇرامانىڭ كەزدەسۋىن اسىعا كۇتكەنى انىق. ولاردىڭ قاتارىندا الەمدىك فۋتبولدا جوعارى باعالاناتىن كوپتەگەن ويىنشى بار. سوندىقتان كوپشىلىك بۇل كەزدەسۋدەن تارتىستى باسەكە كۇتتى.

كەزدەسۋ بارىسىندا 18-مينۋتتا انگليالىق گارري كەين مەرگەندىك تانىتتى. وسىلايشا ول ءوزى قاتىسقان ون ويىندا بەس گول سوقتى. ناتيجەسىندە ول سوققان گول جونىنەن يسپانيالىق فەرناندو توررەس جانە فرانسيالىق زينەدين زيدانمەن تەڭەستى.

دانيالىق قۇراما جەڭىستى قولدان بەرمەۋگە تىرىستى. ويىننىڭ 34-مينۋتىندا دانيالىق مورتەن يۋلماننىڭ الىستان تەپكەن دوبىنا اعىلشىن قاقپاشىسى دجوردان پيكفورد قارسى تۇرا العان جوق.

كەزدەسۋدە قۇرامالار 1:1 ەسەبىمەن تەڭ تارقاستى.

ەسكە سالساق، بۇدان بۇرىن اتالعان توپتاعى سلوۆەنيا مەن سەربيا 1:1 ەسەبىنە قاناعات ءبىلدىردى.

اۆتور

ءادىلجان ۇمبەت