فەرروقورىتپا زاۋىتىندا قازا تاپقان قىزمەتكەردىڭ وتباسىنا ون جىلدىق جالاقىسى تولەنەدى

استانا. قازاقپارات - YDD Corporation كومپانياسى قاراعاندىداعى فەرروقورىتپا زاۋىتىندا توتەنشە جاعدايدان كەيىن قازا تاپقان قىزمەتكەردىڭ وتباسىنا قولداۋ كورسەتەمىز دەپ ۋادە بەردى.

بۇگىن كومپانيا قايتىس بولعان مۋزافار يسمايلوۆتىڭ وتباسى الدىنداعى مىندەتتەمەلەرىنىڭ ءتىزىمىن جاريالادى. مارقۇم فەرروقورىتپا زاۋىتىنداعى پەشتە جالىن شىعىپ، دەنەسىن %85 كۇيىك شالعان ەدى. العان جاراقاتتارى سالدارىنان ول ءتورتىنشى كۇنى اۋرۋحانادا قايتىس بولعان.

«YDD Corporation مۋزافار يمانتاي ۇلىنىڭ قايتىس بولۋىنا بايلانىستى ونىڭ تۋىستارى مەن جاقىندارىنا قايعىرا وتىرىپ، كوڭىل ايتادى. ⠀

بۇگىنگى تاڭدا كومپانيا جەرلەۋدى ۇيىمداستىرۋ، اس وتكىزۋ جانە مازار سالۋ بويىنشا بارلىق شىعىنداردى ءوز موينىنا الادى، سونداي-اق وتباسىنا بارلىق قاجەتتى قولداۋدى كورسەتەدى. اتاپ ايتقاندا، كومپانيا كەلەسى مىندەتتەمەلەردى اتقارادى:

* وتباسىن قولداۋ ءۇشىن 10 جىلدىق جالاقى مولشەرىندە ءبىرجولعى تولەم جاسايدى.

* وتباسىنىڭ تۇرعىن ءۇي جاعدايىن جاقسارتۋعا كومەك كورسەتەدى.

* قىزمەتكەر مەن ونىڭ جۇبايىنىڭ بارلىق نەسيەلەرىن تولىق وتەيدى»، - دەپ مالىمدەدى كومپانيانىڭ باسپا ءسوز قىزمەتىندە.

مۇزافار يسمايلوۆتىڭ جانازاسى بۇگىن قاراعاندى وبلىسى بۇقار جىراۋ اۋدانى ۇمىتكەر اۋىلىندا شىعارىلدى. مارقۇمنىڭ سوڭىندا ءۇش جاسار قىزى مەن بىرگە ەندى تولعان ۇلى قالدى.

ەستەرىڭىزگە سالا كەتەيىك، 20-شىلدەدە قاراعاندىدا فەرروقورىتپا زاۋىتىنىڭ پەشىندە كەنەتتەن جالىن شىقتى. ت ج سالدارىنان كاسىپورىننىڭ سەگىز قىزمەتكەرى زارداپ شەكتى. ولار پروفەسسور ح. ج. ماقاجانوۆ اتىنداعى كوپسالالى اۋرۋحاناسىنا جاتقىزىلدى. ق ر دەنساۋلىق ساقتاۋ مينيسترلىگىنىڭ تاپسىرماسى بويىنشا قوسىمشا مەديتسينالىق كومەك الۋ ءۇشىن قاراعاندىعا اكادەميك ن. د. باتپەنوۆ اتىنداعى ۇلتتىق تراۆماتولوگيا جانە ورتوپەديا عىلىمي ورتالىعىنىڭ قىزمەتكەرلەرى كەلدى. ⠀

اۆتور

ايزادا اگيلبايەۆا