فرانسيا پرەزيدەنتى دونالد ترامپتى جەڭىسىمەن قۇتتىقتادى
استانا. KAZINFORM - فرانسيا پرەزيدەنتى ەممانۋەل ماكرون «Х»جەلىسىندە دونالد ترامپتى ا ق ش پرەزيدەنتى سايلاۋىنداعى جەڭىسىمەن قۇتتىقتايتىنىن جازدى.
- پرەزيدەنت دونالد ترامپتى قۇتتىقتايمىن. ءبىز ءتورت جىل بويى بىرگە جۇمىس ىستەۋگە دايىنبىز. قۇرمەتپەن جانە امبيتسيامەن. بەيبىتشىلىك پەن وركەندەۋ ءۇشىن، - دەپ جازدى فرانسيا پرەزيدەنتى فرانسۋز تىلىندە.
ەستەرىڭىزگە سالا كەتەيىك، دونالد ترامپ ا ق ش- تىڭ 47- پرەزيدەنتى بولىپ سايلاندى. سايلاۋ قورىتىندىسى بويىنشا دونالد ترامپ جەڭىسكە جەتۋ ءۇشىن قاجەتتى 270 سايلاۋشى داۋىسىنان اسىپ، 277 داۋىس جينادى، دەپ حابارلايدى Fox News.
تەلەارنانىڭ حابارلاۋىنشا، حارريس 226 داۋىس جينادى. ترامپتىڭ جەڭىسى تۋرالى وكىلدەر پالاتاسىنىڭ سپيكەرى مايك دجونسون دا مالىمدەدى.
دونالد ترامپ 39 جاستاعى دج. د. ۆەنستى ۆيتسە-پرەزيدەنت قىزمەتىمەن قۇتتىقتادى.
اۆتور
ەركەجان سماعۇلوۆا
