فاريزانىڭ ەڭ سوڭعى ءبىر شۋماق ولەڭى

استانا. قازاقپارات - الەۋمەتتىك جەلىدە بەلگىلى اقىن جانات اسكەربەك قىزى اياۋلى اقىن اپامىز فاريزا وڭعارسىنوۆانىڭ سوڭعى دەمى ۇزىلەر ساتتە جازعانءبىر شۋماق ولەڭىن جاريالادى.

تاعدىر عۇمىر كەشىرتپەي مالشا ماعان،

كەمتار ەتپەي،

كەندە ەتپەي ار-سانادان

عۇمىر ءبىتتى.

مەن كەشكەن ءساتتىڭ ءبىرىن،

سەزىنە الماي وتەدى قانشاما ادام...

فاريزا وڭعارسىنوۆا

پوەزيا پاتشايىمى سوڭعى رەت مىناۋ دۇنيەگە پوەزيا تىلىمەن وسىلاي ءۇن قاتىپتى.

***

قازاقتىڭ حالىق اقىنى، قازاقستان مەملەكەتتىك سىيلىعىنىڭ لاۋرەاتى فاريزا وڭعارسىنوۆا 1939 -جىلى 5- جەلتوقساندا قازىرگى اتىراۋ وبلىسىنداعى ماناش اۋىلىندا دۇنيەگە كەلگەن. فاريزا ون بالانىڭ كەنجەسى. الايدا، باۋىرلارىنىڭ كوبى ەرتە قايتىس بولىپ كەتەدى. اكەسى - وڭعارسىن يمانعاليەۆ وقىعان، بالىق شارۋشىلىعىن العاش بولىپ ۇيىمداستىرعان، جۇرتىنا قادىرلى ازامات بولعان. ول فاريزانىڭ كىشكەنتاي كەزىندە قايتىس بولىپ كەتكەن. ال اناسى - حاليما يمانعاليەۆا ارابشا حات تانىعان كىسى. ول، حالىق ەرتەگىلەرىن، ەسكى قازاق اندەرىن جاقسى كوردى. بالالارىن دا وقۋ- بىلىمگە باۋلىپ، ساۋاتتى بولۋلارىنا ۇلكەن ۇلەس قوسقان دا اناسى.

ارتىنا وشپەس اسىل مۇرا قالدىرعان قازاقتىڭ اقىن قىزى 2014 -جىلدىڭ 23- قاڭتارىندا 74 جاسىندا دۇنيەدەن وزدى. قازاق حالقىنىڭ ءبىرتۋار اقىن قىزى 2014 -جىلى 27-قاڭتاردا استاناداعى ۇلتتىق پانتەوندا قابانباي باتىردىڭ كەسەنەسىنىڭ جانىندا جەرلەندى.