شىمكەنتتىك جاس عالىمدار تىڭايتقىشتىڭ جاڭا ءتۇرىن ويلاپ تاپتى

استانا. قازاقپارات - شىمكەنتتىك جاس عالىمدار قىتايدان قالىسار ەمەس. ءوزىمىزدىڭ جاستار تىڭايتقىشتىڭ جاڭا ءتۇرىن ويلاپ تاپتى. بۇل جوبا جەردىڭ قۇنارىن، استىقتىڭ ونىمدىلىگىن ارتتىرماق. تىڭايتقىشقا مينەرالدى زاتتارعا باي وتاندىق شيكىزات پايدالانىلادى.

 يننوۆاتسيالىق ستارتاپ جاس عالىمدار اراسىنداعى ۇزدىك عىلىمي جۇمىس رەتىندە تانىلعان. ەندى بۇل جوبا جىل سوڭىنا دەيىن وندىرىسكە ەنگىزىلۋگە ءتيىس. جاس عالىم ءجۇرسىناي سەرىكبايەۆانىڭ زەرتتەۋى ناتيجەسىندە مينەرالدى تىڭايتقىشتىڭ قۇرامى تۇرلەندىرىلدى. ونىڭ قۇرامىنداعى فوسفور، ازوت، كۇكىرت جانە باسقا دا ەلەمەنتتەر ارنايى وڭدەۋدەن ءوتىپ، جاڭا حيميالىق رەاكسيالارعا ءتۇستى. بۇل زەرتتەۋدىڭ ناتيجەسىندە اۋىل شارۋاشىلىعىندا بۇرىن-سوڭدى قولدانىلماعان عىلىمي جاڭالىق اشىلدى.

ءجۇرسىناي سەرىكبايەۆا، ج و و 2-كۋرس ماگيسترانتى:

- ازىقتىڭ قۇنارىن ارتتىرادى. ەكىنشىدەن راپس، سويا، بيداي داقىلدارىنىڭ ونىمدىلىگىن ارتتىرادى. ياعني، قۇرامىنداعى مايىن، اقۋىزىن ارتتىرۋعا كوپ كومەكتەسەدى. قامتاماسىز ەتەدى جانە ساقتاۋ مەرزىمىن ۇزارتاتىنى دالەلدەنگەن سۋلفوامموفوستىڭ. عىلىمي جوباعا توپىراق قۇنارلىلىعىنىڭ تومەندەۋى نەگىز بولعان. جوعارى وقۋ ورنى ماگيسترانتىنىڭ زەرتتەۋىندە بۇل فاكتوردىڭ ونىمدىلىكتىڭ ازايۋىنا اسەر ەتكەنى انىقتالعان. بۇرىن ءار گەكتاردان ورتا ەسەپپەن 30 سەنتنەردەن استىق جينالسا، قازىر بۇل كورسەتكىش 15 سەنتنەرگە دەيىن تومەندەگەن. مامانداردىڭ پىكىرىنشە، شارۋالاردى قولداۋ تەتىكتەرىن كۇشەيتۋ ارقىلى ەگىس القاپتارىن ۇلعايتىپ، ونىمدىلىكتى جوعارى دەڭگەيدە ساقتاۋعا مۇمكىندىك بار.

 گۇلنار تاستانبەكوۆا، ۇلتتىق اۋىل شارۋاشىلىعى اكادەمياسىنىڭ كوررەسپوندەنت-مۇشەسى:

 - ءبىزدىڭ توپىراقتارىمىز سۇر توپىراقتار. ءتيپى سۇر بولعاننان كەيىن ونىڭ ىشىندە قاراشىرىك دەڭگەيى وتە از. رەسەي بولسىن، ۋكراينا بولسىن ولاردا قارا توپىراقتار. ول توپىراقتار وتە قۇنارلى. تابيعي قۇنارلى. سەلەكسيونەرلەر بىزگە جاقسى سورتتى بەرەتىن بولسا، تىڭايتقىشتاردى جۇيەلى تۇردە مينەرالدى، ورگانيكالىق تىڭايتقىشتاردى ەنگىزەتىن بولساق، ءوز ۋاقىتىندا بەرەتىن بولساق ءونىمدى دە توپىراقتىڭ قۇنارىن دا كوتەرۋگە بولادى.

قالانىڭ دەموگرافيالىق وسىمىنە بايلانىستى اۋىلشارۋاشىلىق جەرلەرى تارىلدى. سوندىقتان سالا ماماندارى ەگىستىك القاپتاردى ءتيىمدى يگەرۋگە شاقىرادى. «سۋارۋدىڭ زاماناۋي تەحنولوگياسىن پايدالانىپ، ءارتاراپتاندىرۋ ادىسىمەن ساپالى تازا ءونىم الۋعا بولادى»، - دەيدى ولار.  ءجۇرسىناي سەرىكبايەۆانىڭ ستارتاپ جوباسى جاس عالىمدار اراسىندا ۇزدىك دەپ تانىلدى. ەندى زەرتحانادا دالەلدەنگەن دەرەكتەر عىلىمي نورماعا سايكەستەندىرىلەدى. بۇل جۇمىستار ءساتتى اياقتالسا، جىل سوڭىنا دەيىن وتاندىق وندىرىسكە ۇسىنىلادى.

 24.kz