شىعىس قازاقستاندا بىرنەشە اۋىل تاراتىلدى

وسكەمەن. KAZINFORM - شىعىس قازاقستان وبلىسىندا بولاشاعى جوق بىرنەشە اۋىل كارتادان جويىلدى.

وبلىستىق ءماسليحات التاي جانە شەمونايحا اۋداندارىندا ورنالاسقان ءبىرقاتار ەلدى مەكەندى تاراتۋ تۋرالى شەشىم قابىلدادى.

التاي اۋدانىندا 3 اۋىل، اتاپ ايتقاندا سولوۆيەۆ اۋىلدىق وكرۋگىنە قاراستى لەنينسك، مالەيەۆ اۋىلدىق وكرۋگىندەگى لاندمان جانە پارىگين اۋىلدىق وكرۋگىندەگى كۋتيحا اۋىلدارى تاراتىلدى.

- تاراتىلعان اۋىلدار ەندى ىرگەلەس ەلدى مەكەندەردىڭ قۇرامىنا كىردى. لەنينسك - پودورليەنوك اۋىلىنىڭ، لاندمان - مالەيەۆسك اۋىلىنىڭ، ال كۋتيحا - پارىگينو اۋىلىنىڭ قۇرامىنا قوسىلدى. شەمونايحا اۋدانىندا 2 ەلدى مەكەن كارتادان جويىلدى. زارەچنوە اۋىلى - ۋست- تالوۆكا كەنتىنىڭ قۇرامىنا ەنسە، رۋليحا ستانسياسى - كامەنيەۆ اۋىلدىق وكرۋگىنە قاراستى اۋىل قۇرامىنا قوسىلىپ وتىر، - دەپ حابارلادى ءماسليحاتتان.

ەسكە سالساق، وسىعان دەيىن ەلىمىزدە ءبىر جىلدا اۋىلداردىڭ سانى 149-عا ازايعانى حابارلانعان.