شىعىس قازاقستان اكىمى قىتايمەن اراداعى ۆيزاسىز رەجيم تۋرالى ايتتى
شىعىس قازاقستان وبلىسىنىڭ اكىمى ەرمەك كوشەربايەۆ قىتايلار قازاقستانعا نەگە تۋريست رەتىندە كەلۋى كەرەك ەكەنىن ايتتى.
ورتالىق كوممۋنيكاتسيالار قىزمەتىندە وتكەن بريفينگتە ب ا ق وكىلى اكىمگە «قىتايمەن ۆيزاسىز رەجيم شىعىس ءوڭىردىڭ تۋريزىمىنىڭ دامۋىنا اسەر ەتە مە؟» دەگەن سۇراق قويدى.
«قىتاي مەن قازاقستان اراسىنداعى ۆيزاسىز رەجيم - ەكى ەلگە دە پايدا. قىتايمەن وسىنداي رەجيمگە كەلۋ ءار ەلگە تۇسە بەرمەيدى. كوپ ماسەلەنى شەشۋگە بولادى. «شوپپينگ» جاساۋ جانە مادەنيەتىن كورۋگە بولادى... بيزنەس سالاسىندا دا كاسىپكەرلەرىمىزگە كوپتەگەن مۇمكىندىك اشىلادى»، - دەدى ەرمەك كوشەربايەۆ.
شەنەۋنىك باسقا مەملەكەتتەردىڭ تۋريزمىندە ەڭ كوپ اقشا اكەلەتىن قىتايلار ەكەنىن ايتادى. ونىڭ سوزىنشە، بۇعان پاندەميا كەزىندە رەسەيدە جۇمىس ىستەپ جۇرگەندە كوزى جەتكەن.
«قازىرگى تاڭدا مارقاكول اۋدانى قۇرىلىپ وتىر. كەيبىر زاڭعا بايلانىستى سۇراقتاردى شەشسەك، وعان دۇرىس ينفراقۇرىلىم سالساق، تۋريستەر جيى كەلسە وركەندەيدى دەپ ويلايمىن»، - دەدى كوشەربايەۆ.
