شەتەلدىكتەر ءۇشىن كوشپەندىلەر ۆيزاسى ەنگىزىلمەك

استانا. KAZINFORM - ەلىمىزدە شەتەلدىك ازاماتتار ءۇشىن قازىرگى زامانعى كوشپەندىلەر ۆيزاسىن ەنگىزۋ ماسەلەسى پىسىقتالىپ جاتىر. بۇل تۋرالى بۇگىن ۇكىمەت وتىرىسىندا تۋريزم جانە سپورت ءمينيسترى ەرمەك مارجىقپايەۆ ايتتى.

«ۆيزالىق كوشى-قون رەجيمى ماسەلەسى تۋريستەر تاراپىنان كوپتەگەن شاعىم تۋدىرادى. تۋروپەراتورلاردىڭ حابارلاۋىنشا، شەتەلدىك كەلۋشىلەر ۆيزالىق كوشى-قون پورتالىنىڭ تەحنيكالىق اقاۋىنا بايلانىستى ۆيزا الۋ كەزىندە قيىندىقتارعا تاپ بولادى. ناتيجەسىندە تۋروپەراتورلار شەتەلدىك تۋريستەر ءۇشىن بروندالعان بيلەتتەردى الىپ تاستاۋعا ءماجبۇر. وسىعان بايلانىستى ەلگە كەلگەننەن كەيىن ۆيزا الۋ بويىنشا اۋەجايلارداعى كوشى- قون قىزمەتتەرىندە پەرسونال سانىن كوبەيتۋ جانە ونىڭ پورتالىنىڭ ۇزدىكسىز جۇمىسىن قامتاماسىز ەتۋ ۇسىنىلادى»، - دەدى مينيستر.

ونىڭ اتاپ وتۋىنشە، مۇنان بولەك ۆيزا الۋ راسىمدەرىن سيفرلاندىرۋ جانە وڭايلاتۋ ارقىلى اتالعان رەجيمدى جەتىلدىرۋ قاجەت.

«مۇددەلى مەملەكەتتىك ورگاندارمەن بىرلەسىپ، شەتەلدىك ازاماتتارعا ەلدە ۇزاق مەرزىمدى بولۋ قۇقىعىن بەرە وتىرىپ، قازىرگى زامانعى كوشپەندىلەردىڭ ۆيزاسىن ەنگىزۋ ماسەلەسى قارالىپ جاتىر (جۇمىس اتاۋى - NEO Nomad Visa). بۇل شارانى ەنگىزۋدەن كۇتىلەتىن ەكونوميكالىق ناتيجە جىل سايىن 3 ميلليارد تەڭگەدەن اسادى. قازىرگى ۋاقىتتا Neo Nomad Visa ەنگىزۋ تەتىگى ازىرلەنىپ، مۇددەلى مەملەكەتتىك ورگاندارعا جولداندى»، - دەدى ەرمەك مارجىقپايەۆ.

اۆتور
مارلان جيەمباي