شەتەل ازاماتىنا قاشىقتان شوت اشقان بانككە زاڭ بۇزعانى ءۇشىن ايىپپۇل سالىندى

تالدىقورعان. KAZINFORM - بانككە ايىپپۇل سالىندى، قىزمەتكەرلەرىنە قاتىستى سوتقا دەيىنگى تەرگەپ-تەكسەرۋ جۇرگىزىلىپ جاتىر.

Маңғыстауда Түпқараған және Қарақия аудандары әкімдіктерінің лауазымды тұлғаларына айыппұл салынды
Фото: Мухтор Холдорбеков/Kazinform

جەتىسۋ وبلىسىندا ينتەرنەت-الاياقتىققا قارسى شارالاردى كۇشەيتۋ جۇمىستارى جالعاسىپ جاتىر.

زاڭ بويىنشا رەزيدەنت ەمەستەرگە شوتتاردى قاشىقتان اشۋعا جانە تولەم كارتالارىن شىعارۋعا تىيىم سالىنعان، كەرىسىنشە بانك قىزمەتكەرى شەت مەملەكەتتىڭ ازاماتىنا ونىڭ جەكە قاتىسۋىنسىز ەسەپشوت اشقان.

ەسەپشوتتى كەيىننەن ينتەرنەت-الاياقتار ازاماتتاردان ۇرلانعان قاراجاتتى اۋدارۋ ءۇشىن پايدالانعان.

- بانك اكىمشىلىك قۇقىق بۇزۋشىلىق تۋرالى كودەكسىنىڭ 214-بابىنىڭ 4-بولىگى (قارجى مونيتورينگى سۋبەكتىلەرىنىڭ كليەنتتەردى تيىسىنشە تەكسەرۋ جونىندەگى شارالاردى قابىلداماۋى) بويىنشا جاۋاپكەرشىلىككە تارتىلدى، - دەلىنگەن جەتىسۋ وبلىسىنىڭ پروكۋراتۋراسى حابارلاماسىندا.

1000000 تەڭگەدەن استام سوماعا سوت سالعان ايىپپۇلدى بانك تولەدى.

بانك قىزمەتكەرلەرىنە قاتىستى قىلمىستىق كودەكسىنىڭ 254-بابى (مىندەتتەرىنە ادال قاراماۋ) بويىنشا سوتقا دەيىنگى تەرگەپ-تەكسەرۋ باستالدى.

ايتا كەتەلىك شىمكەنتتە 200 دەن اسا ادامدى الداعان قارجى پيراميداسىنىڭ جۇمىسى توقتاتىلدى.

سوڭعى جاڭالىقتار