شەرزات پولاتتىڭ ءۇيىن ورتەۋگە قاتىستى قىلمىستىق ءىس ءالى تەرگەلىپ جاتىر
استانا. KAZINFORM - مارقۇم شەرزات پولاتتىڭ ءۇيىن ورتەۋ فاكتىسى بويىنشا تەرگەۋ امالدارى جالعاسىپ جاتىر. بۇل تۋرالى ىشكى ىستەر ءمينيسترى ەرجان سادەنوۆ ءمالىم ەتتى.
- ءىس ارنايى پروكۋروردىڭ قاراۋىندا. قازىر تەرگەۋ امالدارى ءجۇرىپ جاتىر، ءمان-جايىن ايتا المايمىن. جۇمىس قارقىندى ءجۇرىپ جاتىر. باقىلاۋدا ۇستاپ وتىرمىز، - دەپ قىسقا قايىردى ەرجان سادەنوۆ ماجىلىستە ب ا ق وكىلدەرىنىڭ ساۋالىنا جاۋاپ بەرە تۇرىپ.
سونداي-اق مينيستر شەرزاتتىڭ اعاسى نۇرعانات عايىپبايەۆتىڭ ءوز-وزىنە قول جۇمساۋى فاكتىسى بويىنشا دا ءىس تەرگەلىپ جاتقانىن تىلگە تيەك ەتتى.
بۇعان دەيىن ىشكى ىستەر ءمينيسترى مارقۇم شەرزات پولاتتىڭ اكەسىنە قاتىستى ءىس قوزعالماعانىن ايتقان ەدى.
بيىل 5-ماۋسىمدا جەتىسۋ وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا 16 جاستاعى شەرزات پولاتتىڭ ولىمىنە قاتىستى قىلمىستىق ءىس بويىنشا ۇكىم جاريالاندى.
اۆتور
داۋلەت ىزتىلەۋ
