enbek.kz پورتالى جۇمىس ىزدەگەن ازاماتتار ءۇشىن ىڭعايلى ەتىلدى
ناريمان مۇقىشيەۆ Facebook-پاراقشاسىندا جازعانداي، enbek.kz پورتالىن قولدانىسقا ىڭعايلى ەتىپ وزگەرتۋ بويىنشا جۇمىستار جۇرگىزىلىپ جاتىر. سوعان وراي، ازاماتتاردىڭ ءارتۇرلى ساناتىن جۇمىسپەن قامتۋ تۋرالى اقپاراتتار سايتتىڭ ءبىرىنشى بەتىنە ورنالاستىرىلعان.
سول اقپارات ارقىلى كەز كەلگەن ازامات ءوز ساناتى بويىنشا تىركەلىپ، جۇمىس ىزدەي الادى.
ولار:
- جۇمىسسىزدار؛
- جاستار؛
- ەرەكشە قاجەتتىلىگى بار ازاماتتار؛
- جالدامالى جۇمىسشىلار؛
- بوساپ قالعان جۇمىسشىلار (جۇمىس بەرۋشىنىڭ شەشىمىمەن جۇمىسسىز قالعاندار نەمەسە جۇمىسشىلار شتاتىنىڭ قىسقارۋىنا بايلانىستى جۇمىسسىز قالعاندار)؛
- تابىسى از جۇمىسشىلار (كىرىسى كۇنكورىس مينيمۋمىنان از نەمەسە بىلىكتىلىكسىز ەڭبەككە تارتىلعاندار).
«ءوزىڭىز ەنەتىن ساناتتى تاڭداپ الىپ، مەملەكەت ناقتى كونتينگەنتكە قانداي قولداۋ شارالارى مەن جۇمىس ۇسىناتىنىن، كىمگە قالاي جۇگىنۋگە بولاتىنىن بىلە الاسىز. جالپى جۇمىسپەن قامتۋ شارالارىنا تەحنيكالىق جانە كاسىبي وقىتۋ، قىسقا مەرزىمدى وقىتۋ، «باستاۋ بيزنەس» جوباسى، نەسيەلەۋ، سايكەس ۆاكانسيا تابۋ، جاستار تاجىريبەسى مەن تاعى باسقا تەتىكتەر كىرەدى. اقپارات پايداڭىزعا جارار دەگەن سەنىمدەمىز»، - دەيدى ۆيتسە-مينيستر.
