شەكارا قىزمەتى ەسىرتكى كونترابانداسىنىڭ 501 فاكتىسىن توقتاتتى
استانا. KAZINFORM - شەكارا قىزمەتى 2023-جىلدان بەرى ەسىرتكى كونترابانداسىنىڭ 501 فاكتىسىن توقتاتتى. بۇل تۋرالى ءماجىلىس دەپۋتاتتارىنىڭ ساۋالىنا پرەمەر-مينيستر ولجاس بەكتەنوۆتىڭ جاۋابىندا ايتىلعان.
«ۇلتتىق قاۋىپسىزدىك كوميتەتىنىڭ شەكارا قىزمەتى وتكىزۋ پۋنكتتەرىندە ەسىرتكى زاتتارىن تاسىمالداۋعا كەدەرگى جاساۋ ماقساتىندا ينترۋزيۆتى ەمەس قاراپ تەكسەرۋدىڭ تەحنيكالىق قۇرالدارىن قولدانا وتىرىپ، قولجۇگىن، باگاجدى، كولىك قۇرالدارى مەن جۇكتەردى، سونداي-اق ارنايى وقىتىلعان قىزمەتتىك يتتەر ارقىلى تەكسەرىپ قاراۋ بويىنشا باقىلاۋدى جۇزەگە اسىرادى»، - دەدى ولجاس بەكتەنوۆ.
ۇكىمەت باسشىسىنىڭ جاۋابىنا بەرىلگەن انىقتاماعا سايكەس، قازىرگى ۋاقىتتا ۇ ق ك ش ق قىزمەتىندە 40 بىرلىك رەنتگەن-تەلەۆيزيالىق اپپارات، 9 بىرلىك ينسپەكتسيالىق-تەكسەرۋ كەشەنى، 1782 بىرلىك جەكە بەينەتىركەگىش، ارنايى ۇيرەتىلگەن 470 ءيت بار.
«2023-جىلدىڭ باسىنان بەرى ۇ ق ك ش ق كۇشىمەن ەسىرتكى كونترابانداسىنىڭ 501 فاكتىسى (2023-جىلى – 254، 2024-جىلى 9 ايدا - 247) توقتاتىلدى شەكارا قىزمەتىن ودان ءارى ماتەريالدىق-تەحنيكالىق جاراقتاندىرۋ ماسەلەلەرى شەكارالىق قاۋىپسىزدىكتى قامتاماسىز ەتۋدىڭ 2024-2028-جىلدارعا ارنالعان كەشەندى جوسپارىندا جانە قازاقستان رەسپۋبليكاسىندا ناشاقورلىققا جانە ەسىرتكى بيزنەسىنە قارسى كۇرەستىڭ 2023-2025-جىلدارعا ارنالعان كەشەندى (4,5 ميلليارد تەڭگەدەن استام سوماعا) جوسپارىندا كوزدەلگەن»، - دەپ اتاپ وتەدى پرەمەر-مينيستر.
