شاحتاداعى اپات: د س م جوعارى دارەجەلى دارىگەرلەر توبىن قاراعاندىعا جىبەردى

ااا
Фото: Фото: Kazinform

ق ر دەنساۋلىق ساقتاۋ مينيسترلىگى زارداپ شەككەندەرگە كونسۋلتاتسيالىق كومەك كورسەتۋ ءۇشىن قۇرامىندا توكسيكولوگ، تراۆماتولوگ-ورتوپەد جانە نەيروحيرۋرگ بار جوعارى دارەجەلى دارىگەرلەر توبىن قاراعاندىعا جىبەرەدى، دەپ حابارلايدى Kazinform.

زارداپ شەككەن كەنشىلەردىڭ ءومىرى مەن دەنساۋلىعىن ساقتاۋ ءۇشىن سالانىڭ ۇزدىك ماماندارىن تارتا وتىرىپ، بارلىق قاجەتتى مەديتسينالىق كومەك كورسەتىلەدى.

قازىرگى ۋاقىتتا 18 ادام پروف. ح. ج. ماقاجانوۆ اتىنداعى كوپبەيىندى اۋرۋحاناعا جەتكىزىلدى، ونىڭ 17 ءسى ستاتسيونارلىق ەمدەۋگە جاتقىزىلدى، 1 زارداپ شەگۋشى امبۋلاتوريالىق ەمدەلۋدە.

جەڭىل جانە ورتاشا اۋىرلىقتاعى ۋلى گازدارمەن ۋلانۋدان زارداپ شەككەن 15 ادام اۋرۋحانانىڭ توكسيكولوگيا بولىمشەسىندە ەمدەلۋدە. ءبىر ادام پوليتراۆمامەن رەانيماتسيا جانە قارقىندى تەراپيا بولىمشەسىندە، جاعدايى اۋىر، تۇراقتى، ەسىندە.

جاعدايى ورتاشا اۋىرلىقتاعى تاعى ءبىر زارداپ شەگۋشى تراۆماتولوگيا بولىمشەسىندە مەديتسينالىق كومەك الادى.

سوڭعى جاڭالىقتار