ديماش قۇدايبەرگەننىڭ جانكۇيەرلەرى «استانا ارەنا» الاڭىنا جينالىپ جاتىر
استانا. KAZINFORM - ساناۋلى ساعاتتان سوڭ ەلوردادا الەمگە ايگىلى ءانشى ديماش قۇدايبەرگەننىڭ STRANGER اتتى جەكە كونسەرتى باستالادى.
قازىردىڭ وزىندە «استانا ارەنا» ماڭىندا ديماشتىڭ الەمنىڭ تۇكپىر-تۇكپىرىنەن كەلگەن جانكۇيەرلەرى سۇيىكتى انشىلەرىنىڭ كونتسەرتىن تاماشالاۋدى اسىعا كۇتىپ تۇر. ولاردىڭ اراسىندا «ديماش»، «قازاقستان» دەپ ۇرانداتىپ تۇرعاندار بار.
جينالعانداردىڭ اراسىنان ا ق ش، تۇركيا، رۋمىنيا، يندونەزيا، يسپانيا، وڭتۇستىك افريكا، مەكسيكا تاعى باسقا ەلدەردەن ارنايى كەلگەن تۋريستەردى بايقادىق.
سونداي-اق، ءوزىمىزدىڭ قاراعاندىدان كەلگەن ءبىر توپ جانكۇيەردى اڭگىمەگە تارتقان ەدىك.
«№بىز 30 شاقتى ادام بولىپ كەلدىك، بيلەتتى ساتىلىمعا شىعا سالا الدىق. وتانداسىمىزعا قولداۋ بىلدىرەيىك دەپ ارەنا الدىنا ەرتەرەك جينالدىق»، - دەيدى ديماشتىڭ قاراعاندىلىق جانكۇيەرى بالقيا رامازانوۆا.
ايتا كەتەيىك، بۇگىن جانە ەرتەڭ وتەتىن بىرەگەي شوۋدى تاماشالاۋعا 50 ەلدەن كورەرمەندەر كەلەدى دەپ كۇتىلىپ وتىر.
ەسكە سالساق، ديماش قۇدايبەرگەن V دۇنيەجۇزىلىك كوشپەندىلەر ويىندارىنىڭ اشىلۋ سالتاناتىندا ونەر كورسەتتى.
سونداي-اق، ۇلتتىق مۋزەيدە ديماش قۇدايبەرگەننىڭ شىعارماشىلىعىنا ارنالعان كورمە اشىلدى.
«دۇنيە ديدارىنداعى ديماش» كورمەسىنە قازاق جانىنىڭ بولمىسىن بەينەلەيتىن، ونىڭ قايتالانباس ءۇنىن قالىپتاستىرعان، ومىرىندەگى ەلەۋلى وقيعالار تۋرالى حابار بەرەتىن قۇندىلىقتار، تانىمال تۇلعالار مەن كوپتەگەن جانكۇيەرلەردىڭ سىيلىعى قويىلعان.
اۆتور
داۋلەت ىزتىلەۋ
