ديماش قۇدايبەرگەن شاڭحاي حالىقارالىق كينوفەستيۆالىنىڭ جابىلۋ سالتاناتىندا ونەر كورسەتتى

 21 -ماۋسىمدا قىتايدا  27- شاڭحاي حالىقارالىق كينوفەستيۆالىنىڭ جابىلۋ سالتاناتى ءوتتى، دەپ حابارلايدى dimashnews.com.

شارادا قازاقستاننىڭ حالىق ءارتىسى ديماش قۇدايبەرگەن ايگىلى كلاسسيكالىق تۋىندىلاردىڭ ءبىرى - ەديت پيافتىڭ ورىنداۋىندا كەڭىنەن تانىمال بولعان «Hymne à l’amour» ءانىن ۇسىندى.

ديماش ماحاببات ءانۇرانىن قىتاي، اعىلشىن جانە فرانسۋز تىلدەرىندە ورىنداپ، جىلى سەزىمدى جۇرەكتەن جۇرەككە جەتكىزىپ، جاستىق سەزىم ەكپىنىن دانالىقپەن ۇشتاستىردى.

دۇنيەجۇزىلىك كينو ونەرىنىڭ 130 جىلدىعى مەن قىتاي كينوسىنىڭ 120 جىلدىعىمەن تۇسپا-تۇس كەلگەن قىتاي كينوسىنىڭ تۋعان جەرى شاڭحاي حاۋڭپۋ وزەنىنىڭ جاعاسىندا الەمنىڭ تۇكپىر-تۇكپىرىنەن كەلگەن 100 دەن استام رەجيسسەردى قارسى الدى.

شاڭحاي مەن ونىڭ ماڭىنداعى ايماقتاعى 50-گە جۋىق كينوتەاتردا 71 ەلدەن 400 فيلم كورسەتىلدى. فيلمدەر «نەگىزگى بايقاۋ»، «ازيالىق جاڭادان كەلگەندەر»، «دەرەكتى فيلم»، «انيماتسيا» جانە «قىسقامەتراجدى فيلم» اتتى بەس نوميناتسيا بويىنشا «التىن كۋبوك» جۇلدەسىن ساراپقا سالدى.