«دوستىق كوپىرى» كاسىپكەرلەر وداعىنىڭ ماقساتى - قازاقستانعا جۇيەلى ءارى ءتيىمدى ينۆەستيتسيالار تارتۋ
استانا. قازاقپارات - استانادا «ورتالىق ازيا-قىتاي» ىسكەرلىك كەڭەسىنىڭ ەكىنشى وتىرىسى ءوتىپ جاتىر. ءىس-شاراعا قىتاي، قازاقستان، قىرعىزستان جانە باسقا ەلدەردىڭ شەنەۋنىكتەرى مەن كاسىپكەرلەرى جينالدى.
وتىرىستا سيفرلىق پورتال قۇرۋ جونىندە ۇسىنىس ايتىلدى، بۇل باستامانى «اتامەكەن» ۇلتتىق كاسىپكەرلەر پالاتاسى كوتەردى. ۇ ك پ ءتوراعاسى رايىمبەك باتالوۆتىڭ بايانداماسىندا نەگىزگى نازار سيفرلىق ينتەگراتسيا مەن قىتايمەن بىرلەسكەن پلاتفورمالارعا اۋدارىلدى. بۇگىنگى وسى ايتۋلى ءىس شاراعا «دوستىق كوپىرى» حالىقارالىق كاسىپكەرلەر وداعى دا قاتىستى.
«دوستىق كوپىرى» حالىقارالىق كاسىپكەرلەر وداعىنىڭ نەگىزگى ماقساتى - قازاقستانعا جۇيەلى ءارى ءتيىمدى ينۆەستيتسيالار تارتۋ جانە كاسىپكەرلەرگە جان-جاقتى قولداۋ كورسەتۋ.
وداقتىڭ باس حاتشىسى نۇرساۋلە ءمامىتحاننىڭ ايتۋىنشا، مۇنداي ۇيىم الداعى ۋاقىتتا قازاقستان، قىتاي جانە باسقا دا شەتەلدىك مەملەكەتتەر اراسىنداعى كاسىپكەرلىك قارىم-قاتىناستاردىڭ دامۋىنا ەلەۋلى ىقپال ەتەدى. سونىمەن قاتار، ول قازاقستانعا العاش رەت كەلىپ جاتقان كاسىپكەرلەرگە زاڭنامامەن، ينۆەستيتسيالىق ساياساتپەن تانىسۋعا كومەكتەسىپ، كەڭەس بەرۋ ارقىلى قولداۋ كورسەتەتىنىن اتاپ ءوتتى.
بۇگىنگى شاراعا ءبىرقاتار ءىرى قىتايلىق ۇلتتىق كومپانيالار قاتىستى. ولاردىڭ قاتارىندا China CAMC Engineering ،China Energy Overseas Investment Co.، Ltd ،China State Construction Engineering Corporation International Construction قازاقستان حورگوس Jin Yi group ،JM motors ج ش س، «CATT04» ج ش س سىندى كاسىپورىندار بار.
سولاردىڭ ىشىندە قازاقستان «دجين ي» حالىقارالىق ساۋدا كومپانياسى دا قاتىسىپ وتىر. بۇل كومپانيا - حورگوس Jin YI group كومپانياسىنىڭ ەنشىلەس ۇيىمى.
حورگوس «Jinyi group» - شىڭجاڭدا اۋىل شارۋاشىلىعى مەن لوگيستيكا سالالارىندا جۇمىس ىستەيتىن ءىرى كومپانيالاردىڭ ءبىرى.
قازاقستان «Jin YI» حالىقارالىق ساۋدا كومپانياسى قازاقستاندا ەكى جىل بۇرىن قۇرىلىپ، قازىرگى تاڭدا الماتى وبلىسىندا 1,5 ميلليارد ا ق ش دوللارىنا باعالاناتىن ءىرى لوگيستيكالىق حاب سالۋدى جوسپارلاپ وتىر. بۇل جوبا - قازاقستانداعى ەڭ اۋقىمدى ينۆەستيتسيالاردىڭ ءبىرى بولىپ سانالادى.
