دامۋشى ەلدەردە «ستۋدەنتتىك نەسيە» بەرىلە باستادى
استانا. قازاقپارات - الەم ەلدەرىندە ءبىلىم بەرۋدى نەسيەلەندىرۋ جۇيەسى جولعا قويىلعان، دەپ حابارلايدى 24KZ.
اسىرەسە دامىعان ا ق ش، ۇلى بريتانيا، جاپونيا سياقتى الپاۋىتتار ستۋدەنتتىك نەسيە باعدارلاماسىن وتكەن عاسىردا جۇزەگە اسىرا باستادى. دامۋشى ەلدەر ستۋدەنتتەرگە ءبىلىم بەرۋدى قولجەتىمدى ەتۋ ءۇشىن نەسيەلەندىرۋ جوباسىن بىرتىندەپ قولدانىسقا ەنگىزىپ جاتىر.
امەريكالىق ستۋدەنتتەردىڭ قارىزى كوپ
ءبىلىم بەرۋدى نەسيەلەندىرۋ جۇيەسى قارقىندى دامىعان ەلدىڭ ءبىرى - ا ق ش. مۇندا مەملەكەتتىك قانا ەمەس، جەكە بانكتەر دە ستۋدەنتتەردى نەسيەمەن قامتاماسىز ەتەدى. سوڭعى مالىمەتكە سايكەس 43 ميلليون امەريكالىق ستۋدەنتتىڭ قارىزى بار. ونىڭ جالپى سوماسى 1,75 تريلليون ا ق ش دوللارىنا تەڭ. ياعني، ءار ەكىنشى ستۋدەنت ايىنا 300 دوللارعا دەيىن بەرەشەگىن وتەيدى. نەسيەنىڭ بۇل ءتۇرى يپوتەكالىق نەسيەدەن كەيىن ءجيى راسىمدەلەدى.
انگليادا «ستۋدەنتتىك نەسيەگە» سۇرانىس جوعارى
انگليادا دا ستۋدەنتتەردى نەسيەمەن قامتاماسىز ەتۋ ءبىرىزدى جولعا قويىلعان. ويتكەنى ج و و- دا ءبىلىم بەرۋ گرانتى قاراستىرىلماعان. سول سەبەپتى ۇكىمەت ستۋدەنتتەرگە جىلىنا شامامەن 23 ميلليارد ەۋرو نەسيە بەرەدى. وقۋ اقىسىنىڭ قىمباتتاۋىنا بايلانىستى قارىز كولەمى جىل سايىن 20 ميلليارد ەۋروعا ارتىپ وتىر. قازىر ستۋدەنتتەردىڭ مەملەكەتكە بەرەشەگى 230 ميلليارد ەۋرونى قۇرايدى.
ساراپشىلاردىڭ بولجامىنا سايكەس 2040 -جىلى قارىز كولەمى ەكى ەسە ارتادى.
«ستۋدەنتتىك نەسيە» باعدارلاماسى ىسكە قوسىلدى
نيگەريا بيلىگى ستۋدەنتتەرگە ارنالعان نەسيە باعدارلاماسىن ىسكە قوستى. نەسيەگە 70 مىڭ ستۋدەنت ءوتىنىم بەرگەن. ولاردى پايىزسىز قارىزبەن قامتاماسىز ەتۋ ءۇشىن ۇكىمەت بيۋدجەتتەن 35 ميلليارد فۋنت ستەرلينگ ءبولدى. بيلىك بۇل باستامانى ءبىلىم بەرۋ جۇيەسىن قولداپ، ستۋدەنتتەردىڭ مۇمكىندىگىن كەڭەيتۋ ماقساتىندا جۇزەگە اسىرىپ وتىر. ال قوماقتى قارىز العان ستۋدەنت قاراجاتتى وقۋ اقىسى مەن ءبىلىمىن جەتىلدىرۋ ماقساتىندا ۇيىمداستىرىلعان كاسىپتىك وقىتۋ مەكەمەلەرىنىڭ قىزمەت اقىسىن تولەۋگە جۇمساي الادى.
پايىزدىق مولشەرلەمەسى جوعارى نەسيە
ءۇندىستاندا ستۋدەنتتىك نەسيە ءبىلىم الۋشىلاردىڭ بارلىعىنا قولجەتىمدى. ونى مەملەكەتتىك جانە جەكە بانكتەر دە راسىمدەي بەرەدى. ءبىراق پايىزدىق مولشەرلەمە جوعارى. شامامەن % 8-16 ارالىعىندا بولۋى مۇمكىن. ول نەسيە سوماسىنا، وقۋ مەرزىمى مەن تاڭدالعان ۋنيۆەرسيتەتكە بايلانىستى وزگەرىپ وتىرادى. ستۋدەنتتىك نەسيە راسىمدەۋ ارقىلى ءبىلىم الۋشىلار شەتەلدە دە وقي الادى.
اۆتورى: ءاسيا نۇرلىبايەۆا.
