داۋلەت تۇرلىحانوۆ جاڭا قىزمەتكە سايلاندى

дәулет тұрлыханов
Фото: Фото: из открытых источников

 ءماجىلىس دەپۋتاتى داۋلەت تۇرلىحانوۆ «دينامو» دەنە شىنىقتىرۋ-سپورت قوعامى ءتورالقاسىنا مۇشە بولىپ سايلاندى، دەپ حابارلايدى Kazinform. 

«استانادا «دينامو» س ق-نىڭ كەزەكتەن تىس كونفەرەنتسياسى ءوتىپ، وندا ءتورالقانىڭ جاڭا قۇرامى مەن وسى سپورت قوعامىنىڭ ءتوراعاسى سايلاندى. وتىرىس قورىتىندىسى بويىنشا «دينامو» قوعامىنىڭ باسشىسى بولىپ ىشكى ىستەر ءمينيسترى ەرجان سادەنوۆ سايلاندى. مەن ءتورالقاعا وتىرۋ قۇرمەتىنە يە بولدىم. سونداي-اق كونفەرەنسياعا قاتىسۋشىلار پرەزيديۋمعا اتاقتى سۋعا جۇزگىش، «ريو-2016» وليمپياداسىنىڭ چەمپيونى دميتري بالانديندى سايلادى»، - دەپ جازدى ءماجىلىس دەپۋتاتى Facebook-پاراقشاسىندا.

ونىڭ اتاپ وتۋىنشە، كەلەسى جىلى «دينامو» 100 جىلدىق مەرەيتويىن اتاپ وتپەك.

«ەلىمىزدىڭ كوپتەگەن داڭقتى سپورتشىلارى «دينامو» ساپىندا اق-كوك ءتۇستى جەيدەنىڭ نامىسىن قورعادى. بۇگىندە «دينامو» قاتارىندا بولۋ ۇلكەن ابىروي مەن مارتەبە بولىپ تابىلاتىنى ءسوزسىز! جيىندا ارىپتەستەرىمە ارتىلعان سەنىم ءۇشىن ۇلكەن العىسىمدى ءبىلدىرىپ، قوعام جۇمىسىنا ساتتىلىك تىلەدىم»، - دەدى داۋلەت تۇرلىحانوۆ.

«دينامو» دەنە شىنىقتىرۋ-سپورت قوعامى قوعامدىق بىرلەستىگىنىڭ باعىتى - قۇقىق قورعاۋ ورگاندارى مەن كۇش قۇرىلىمدارى قىزمەتكەرلەرىنىڭ دەنە شىنىقتىرۋىن جانە ارنايى دايىندىگىن دامىتۋعا جانە جەتىلدىرۋگە كومەكتەسۋ.

سوڭعى جاڭالىقتار