ءتولقۇجاتتى تەرمينال ارقىلى قالاي الۋعا بولادى
قازاقستاندىقتار بيومەتريالىق سايكەستەندىرۋ ارقىلى حالىققا قىزمەت كورسەتۋ ورتالىقتارىندا قۇجاتتاۋ تەرمينالدارىنان پاسپورت پەن جەكە كۋالىك الا الادى. بۇل تۋرالى اشىق ن ق ا پورتالىندا جاريالانعان ق ر ازاماتتارىنا پاسپورت، جەكە كۋالىك بەرۋ جونىندەگى بۇيرىق جوباسىندا ايتىلعان، دەپ حابارلايدى Kazinform.
قازاقستاندىقتار بيومەتريالىق سايكەستەندىرۋ ارقىلى حالىققا قىزمەت كورسەتۋ ورتالىقتارىندا قۇجاتتاۋ تەرمينالدارىنان پاسپورت پەن جەكە كۋالىك الا الادى. بۇل تۋرالى اشىق ن ق ا پورتالىندا جاريالانعان ق ر ازاماتتارىنا پاسپورت، جەكە كۋالىك بەرۋ جونىندەگى بۇيرىق جوباسىندا ايتىلعان، دەپ حابارلايدى Kazinform.
كۇن سايىن ح ق و-عا قۇجاتتاندىرۋ ءۇشىن بۇكىل قىزمەت الۋشىلاردىڭ %10 دان استامى جۇگىنەدى.
قىزمەتكەرلەر جۇكتەمەسىن ازايتۋ ءۇشىن ح ق و-لاردا دا، ودان تىس جەرلەردە دە قۇجاتتاندىرۋ تەرمينالدارىن ورناتۋ جوسپارلانۋدا، ولاردىڭ كومەگىمەن ازاماتتار قۇجاتتاۋعا بايلانىستى مەملەكەتتىك قىزمەتتەردى الۋ وتىنىمدەرىن وزدىگىنەن راسىمدەي الادى.
«جەكە باسىن كۋالاندىراتىن قۇجات الۋ ءۇشىن اۆتوماتتاندىرىلعان تەرمينالدار ارقىلى ءوتىنىم بەرۋدە ازاماتتار مەملەكەتتىك قىزمەت الۋدىڭ بۇكىل كەزەڭدەرىنەن وتەدى (جەكە باسىن قاشىقتان سايكەستەندىرۋ، سۋرەتكە ءتۇسىرۋ، دەرەكتەردى ءماتىن تۇرىندە ەنگىزۋ)»، - دەپ جازىلعان پيلوتتىق جوبانى جۇرگىزۋ تۋرالى بۇيرىقتا.
اۆتوماتتاندىرىلعان تەرمينال ارقىلى قۇجاتتاندىرۋ پروتسەسى مىنا كەزەڭدەردى قامتيدى:
- ج س ن ەنگىزۋ؛
- موبيلدى ازاماتتار بازاسىندا تىركەلگەن ۇيالى تەلەفون ءنومىرىن ەنگىزۋ؛
- جەكە باسىن سايكەستەندىرۋ؛
- سۋرەتكە ءتۇسىرۋ؛
- قولتاڭبا ۇلگىسىن قالدىرۋ؛
- QR-كودتى سكانەرلەۋ ارقىلى مەملەكەتتىك باجدى تولەۋ؛
- قولحاتتى اۆتوماتتى تۇردە جازۋ جانە بەرۋ.
ق ر ازاماتىنىڭ جەكە باسىن كۋالاندىراتىن قۇجات الۋ سەبەپتەرىنىڭ تىزبەسى بىرنەشە كود ارقىلى كورسەتىلەدى:
«04» كودى - نەكە (نەكەنى بۇزۋ) بويىنشا تەگىن وزگەرتۋ؛
«07» كودى - قۇجاتتىڭ ودان ءارى پايدالانۋعا جارامسىزدىعى (ءبۇلىنۋ، ەسكىرۋ، تەحنيكالىق اقاۋلار، پاسپورتتىڭ بارلىق بەتتەرىن پايدالانۋ، جەكە باستى كۋالاندىراتىن قۇجاتتا جسن بولماۋى جانە ت. ب. )؛
«09» كودى - جەكە كۋالىكتى جوعالتۋ؛
«13» كودى - قازاقستان رەسپۋبليكاسى ازاماتىنىڭ پاسپورتىن جوعالتۋى؛
«14» كودى - قولدانىستاعى اكىمشىلىك- اۋماقتىق بولىنىسىنە بايلانىستى جەرگىلىكتى جەرلەردى قايتا اتاۋ؛
«16» كودى - يەسىنىڭ قالاۋى بويىنشا، قۇجاتتاردىڭ ءتۇرىن وزگەرتۋگە بايلانىستى (جەكە كۋالىكتى جانە (نەمەسە) پاسپورتتى ءتۇرلى-ءتۇستى فوتوسۋرەتكە، چيپكە اۋىستىرعان كەزدە)؛
«17» كودى - جەكە كۋالىك بويىنشا پاسپورتقا العاش رەت؛
«18» كودى - جەكە كۋالىكتىڭ جانە (نەمەسە) پاسپورتتىڭ قولدانىلۋ مەرزىمىنىڭ اياقتالۋى (كۇنتىزبەلىك 10 كۇننەن اسپايدى).
توعىز ساعاتتىق ۇزدىكسىز جۇمىس كەزىندە ءبىر تەرمينالدىڭ وتكىزۋ قابىلەتى:
- كليەنتتەرگە قىزمەت كورسەتۋدىڭ ورتاشا ۋاقىتى - 5 مينۋتتان اسپايدى؛
- كۇنىنە ءبىر تەرمينال 108 كليەنتكە قىزمەت كورسەتەدى؛
- ايىنا ءبىر تەرمينال 2376 كليەنتكە قىزمەت كورسەتەدى؛
قۇجاتتاۋ تەرمينالى مەملەكەتتىك قىزمەتتەردى كورسەتۋ ساپاسىن ارتتىرۋعا مۇمكىندىك بەرەدى، دەپ ەسەپتەيدى مينيسترلىك.
