مەملەكەت باسشىسىنىڭ تاپسىرماسى اياسىندا COVID-19 تارالۋىنا جول بەرمەۋ جونىندە ءبىرقاتار شەشىم قابىلدادى
قازاقپارات - بۇگىن ق ر پرەمەر- ءمينيسترىنىڭ ورىنباسارى ەرالى توعجانوۆتىڭ توراعالىعىمەن وتكەن ۆەدومستۆوارالىق كوميسسيانىڭ وتىرىسىندا مەملەكەت باسشىسى ق. توقايەۆتىڭ 2020 -جىلعى 16-قاراشاداعى COVID-19 تارالۋىنا قارسى ءىس- قيمىل بويىنشا بەرگەن تاپسىرمالارى شەڭبەرىندە ناقتى شارالار ازىرلەندى،دەپ حابارلايدى قازاقپارات primeminister.kz-كە سىلتەمە جاساپ.
ۆ ا ك وتىرىسىنىڭ قورىتىندىسى بويىنشا كەلەسى شەشىمدەر قابىلداندى:
1. قوعامدىق كولىكتىڭ جۇمىسىن باسقا قىزمەت تۇرلەرىمەن ۇيلەستىرۋ. «جاسىل ايماقتا» ورنالاسقان وڭىرلەردە قوعامدىق كولىكتىڭ جۇمىسى اپتا ىشىندە ساعات 23:00-گە دەيىن ۇزارتىلادى. «سارى ايماقتا» ورنالاسقان وڭىرلەردە قوعامدىق كولىكتىڭ جۇمىسى دەمالىس جانە مەرەكە كۇندەرىن قوسپاعاندا، ساعات 23:00-گە دەيىن ۇزارتىلادى.
2. 2020 -جىلعى 21-قاراشادان باستاپ قىزمەتى كەلۋشىلەرمەن تىكەلەي بايلانىستى ەمەس كاسىپكەرلىك سۋبيەكتىلەرىنىڭ جۇمىس ۋاقىتى بويىنشا شەكتەۋلەر الىنىپ تاستالادى: اۆتو- ەكسپرەسس (تاماقتى وزىمەن بىرگە الىپ كەتۋ) ، كولىك جۋۋ، اۆتوموبيلدەرگە تەحنيكالىق قىزمەت كورسەتۋ جانە جوندەۋ ستانتسيالارى، تىگىن شەبەرحانالارى، تۇرمىستىق تەحنيكا، اياق كيىم، تەلەفون، كومپيۋتەر، ساعات جوندەۋ، كىر جۋۋ جانە حيميالىق تازالاۋ ورتالىقتارى.
3. بيىلعى 21 -قاراشاعا دەيىن حالىقپەن بايلانىس دەڭگەيى تومەن بيزنەس نىساندارىنىڭ قوسىمشا ءتىزىمىن دايىنداۋ تاپسىرىلدى.
4. وسى جىلدىڭ 21- قاراشاسىنا دەيىن كاسىپكەرلىك سۋبيەكتىلەرىنىڭ سانيتارلىق بۇزۋشىلىقتارىن ءتارتىپ بۇزۋشىلىعىنىڭ اۋىرلىق دارەجەسى بويىنشا (كىشىگىرىم، ماڭىزدى، ورەسكەل) شەكتەيتىن نورماتيۆتىك- قۇقىقتىق اكتىنى قابىلداۋ تاپسىرىلدى.
5. قازاقستان رەسپۋبليكاسىنىڭ جانە وبلىستاردىڭ باس مەملەكەتتىك سانيتارلىق دارىگەرلەرىنىڭ قاۋلىلارىن شەكتەۋ ءىس- شارالارى قولدانىسقا ەنگىزىلگەنگە دەيىن 3 كۇن بۇرىن قابىلداۋ تاپسىرىلدى. بۇل بيزنەسكە جاڭا شەكتەۋلەرگە الدىن- الا دايىندالۋعا مۇمكىندىك بەرەدى.
6. COVID-19 عا قارسى وتاندىق ۆاكتسينانى ازىرلەۋدى جانە ءوندىرۋدى باستاۋدى جەدەلدەتۋ.
7. شىعىس قازاقستان، سولتۇستىك قازاقستان وبلىستارىنىڭ اكىمدىكتەرىنە ون كۇن مەرزىمدە قىزىل ايماقتان شىعۋ ءۇشىن ەپيدەميولوگيالىق جاعدايدى تۇراقتاندىرۋ جونىندە تۇبەگەيلى شارالار قابىلداۋ قاجەت.
8. دەنساۋلىق ساقتاۋ سالاسىنداعى ستاتيستيكالىق دەرەكتەردىڭ اشىقتىعىن قامتاماسىز ەتۋ ماقساتىندا COVID-19 بويىنشا پتر زەرتتەۋلەرىن جۇرگىزەتىن زەرتحانالاردىڭ ينتەگراتسياسىن ءبىر اپتا ىشىندە اياقتاۋ تاپسىرىلدى.
9. بيىلعى 21-قاراشاعا دەيىن اۋرۋحانالاردىڭ رەانيماتسيالىق بولىمشەلەرىنىڭ ماتەريالدىق بازاسىن تەكسەرۋ، قاجەت بولعان جاعدايدا ولاردى تولىقتىرۋ بويىنشا جەدەل شارالار قابىلداۋ.
10. 2020 -جىلعى 21-قاراشاعا دەيىن دارىلىك زاتتار مەن مەديتسينالىق بۇيىمدار رەزەرۆىن قالىپتاستىرۋ بويىنشا وڭىرلەردەگى احۋالعا مۇقيات مونيتورينگ جۇمىستارىن جۇرگىزۋ.
11. بيولوگيالىق قاۋىپسىزدىك ماسەلەلەرى جونىندەگى قر زاڭ جوباسىن ازىرلەۋدى ونى پارلامەنت ماجىلىسىنە ەنگىزە وتىرىپ، اعىمداعى سەسسيانىڭ سوڭىنا دەيىن ۇسىنۋ.
12. اسكەري گوسپيتالدارداعى توسەك قورىن قاجەتتى جاعدايدا جەدەل ورىستەتۋگە تولىق ازىرلىكتى قامتاماسىز ەتۋ.
كەڭەس قورىتىندىسى بويىنشا پرەمەر- ءمينيستردىڭ ورىنباسارى دارىلىك زاتتاردىڭ باعاسىن تومەندەتۋ، ءدارى- دارمەكتەر مەن مەديتسينالىق بۇيىمداردىڭ باعاسىن رەتتەۋ، وتاندىق ماسكا وندىرۋشىلەردى شيكىزاتپەن قامتاماسىز ەتۋ كەپىلدەندىرىلگەن تەتىكتەرىن ايقىنداۋ جانە ت. ب. ماسەلەلەر بويىنشا ءبىرقاتار تاپسىرمالار بەردى.
