ق ر پرەمەر- ءمينيسترى شىعىس قازاقستان وبلىسىندا COVID-19 بويىنشا جاعدايدى تۇراقتاندىرۋدى تاپسىردى
نۇر- سۇلتان. قازاقپارات – ق ر پرەمەر- ءمينيسترى اسقار مامين جۇمىس ساپارى بارىسىندا شىعىس قازاقستان وبلىسىنىڭ سيتۋاتسيالىق ورتالىعىنا بارىپ، وڭىردەگى سانيتارلىق- ەپيدەميولوگيالىق احۋال ماسەلەلەرى جونىندە سەلەكتورلىق كەڭەس وتكىزدى، دەپ حابارلايدى قازاقپارات.
ەپيدەميولوگيالىق جاعداي مەن قابىلدانىپ جاتقان شارالار تۋرالى شىعىس قازاقستان وبلىسىنىڭ اكىمى د. احمەتوۆ، وسكەمەن قالاسىنىڭ اكىمى ج. ومار، سەمەي قالاسىنىڭ اكىمى ە. ءسالىموۆ، زايسان اۋدانىنىڭ اكىمى س. زاينۋلدين، ريددەر قالاسىنىڭ اكىمى د. گوركوۆوي، التاي اۋدانىنىڭ اكىمى ق. بايعونىسوۆ جانە دەنساۋلىق ساقتاۋ ءمينيسترى ا. سوي باياندادى. قازىرگى ۋاقىتتا ق ر- دا كوروناۆيرۋس ينفەكتسياسىمەن اۋىرعانداردىڭ %50 ى شىعىس قازاقستان وبلىسىندا انىقتالعان. اۋرۋدى جۇقتىرعاندار سانى بويىنشا وبلىس قىزىل ايماقتا ورنالاسقان. وتكەن اپتامەن سالىستىرعاندا، وڭىردە سىرقاتتانۋشىلىق 5,4 ەسەگە ءوستى، كۇن سايىن 350 دەن اسا اۋرۋ تىركەلىپ وتىر، جاعدايى اۋىر ناۋقاستاردىڭ سانى ارتتى. 7 كۇن ىشىندەگى R رەپرودۋكتيۆتى سانى 1,25 قۇرايدى. ينفەكتسيالىق توسەك- ورىنداردىڭ جۇكتەمەسى %23، رەانيماتسيالىق توسەك- ورىندار جۇكتەمەسى %27,8 جەتتى.
اۋىرۋدىڭ اسا جوعارى كورسەتكىشتەرى وسكەمەن جانە سەمەي قالالارىندا بايقالىپ وتىر. شىعىس قازاقستان وبلىسىندا 584 ءموبيلدى مەديتسينالىق بريگادانىڭ جۇمىسىن ۇيلەستىرەتىن اۋرۋ وشاقتارىن وقشاۋلاۋ ورتالىعى جۇمىس ىستەيدى. بۇگىنگى تاڭدا جەلىدە 516 بريگادا بار، ولار 1978 ينفەكتسيا وشاعىن جانە اۋرۋدى جۇقتىرعاندارمەن بايلانىستا بولعان 4709 ادامدى باقىلايدى. قاجەت بولعان جاعدايدا قوسىمشا 100 بريگادا قۇرۋعا مۇمكىندىك بار. وڭىردە 3254 ينفەكتسيالىق توسەك- ورىندى، ونىڭ ىشىندە 205 رەانيماتسيالىق توسەك- ورىندى قامتىعان 30 ينفەكتسيالىق ستاتسيونار جۇمىس ىستەيدى. قوسىمشا 2756 ينفەكتسيالىق توسەك- ورىندى، ونىڭ ىشىندە 194 رەانيماتسيالىق توسەك- ورىندى قامتىعان 10 رەزەرۆتىك ستاتسيونار جاساقتالعان.
مەديتسينالىق مەكەمەلەر 346 ءو ج ج اپپاراتىمەن جانە 1142 وتتەگى كونتسەنتراتورىمەن قامتاماسىز ەتىلگەن. 21 ستاتسيوناردا ورتالىقتاندىرىلعان وتتەگىمەن قامتاماسىز ەتۋ بار. تۇراقتاندىرۋ قورىن تولىقتىرۋ ءۇشىن جەرگىلىكتى بيۋدجەتتەن 1,9 ميلليارد تەڭگە ءبولىندى، بۇل مەديتسينالىق مەكەمەلەردە ەكى ايلىق ءدارى- دارمەك پەن جەكە قورعانىش قۇرالىنىڭ قورىن قالىپتاستىرۋعا مۇمكىندىك بەردى. جەدەل مەديتسينالىق جاردەم پاركى 60 كولىكپەن تولىقتى، جىل سوڭىنا دەيىن قوسىمشا 156 ماشينا جەتكىزىلەدى دەپ جوسپارلانىپ وتىر. شىعىس قازاقستان وبلىسىندا COVID-19 دياگنوستيكالايتىن 13 زەرتحانا جۇمىس ىستەيدى. 311 مىڭ ادام، ونىڭ ىشىندە سوڭعى تاۋلىكتە 4743 ادام تەكسەرىلدى.
2020 -جىلعى 1 - جەلتوقسانعا دەيىن وسكەمەن جانە سەمەي قالالارىندا، سونداي- اق كۇرشىم جانە ءۇرجار اۋداندارىندا قوسىمشا 5 پ ت ر زەرتحانا اشۋ جوسپارلانعان. تەستىلەۋ قۋاتى تاۋلىگىنە 6 مىڭ تەكسەرۋگە دەيىن جەتكىزىلەتىن بولادى. 128 مونيتورينگ توبى جۇمىس ىستەيدى. 4651 نىساندى قامتىعان 1627 رەيد جۇرگىزىلدى. ۇكىمەت باسشىسى شىعىس قازاقستان وبلىسىنىڭ اكىمدىگىنە كوروناۆيرۋس ينفەكتسياسىنىڭ ودان ءارى تارالۋىنا جول بەرمەۋ، حالىققا سانيتاريا تالاپتارىن ءتۇسىندىرۋ جانە ولاردىڭ ساقتالۋىن باقىلاۋ، العاشقى مەديتسينالىق- سانيتارلىق كومەكتى نىعايتۋ، مەديتسينالىق مەكەمەلەردى بىلىكتى كادرمەن تولىقتىرۋ ءۇشىن جاعداي جاساۋ بويىنشا جۇمىستى كۇشەيتۋدى تاپسىردى.
