ءماسليحات دەپۋتاتى الدان سمايىلعا استانانىڭ قۇرمەتتى ازاماتى اتاعىن بەرۋدى ۇسىندى

استانا. KAZINFORM - استانا ءماسليحاتىنىڭ تۇراقتى كوميسسياسى وتىرىسىندا دەپۋتات باۋىرجان سمايىلوۆ قوعام جانە مەملەكەت قايراتكەرى الدان سمايىلعا ەلوردانىڭ قۇرمەتتى ازاماتى اتاعىن بەرۋدى ۇسىندى.

- ءبىر توپ ارىپتەسىممەن مەملەكەت جانە قوعام قايراتكەرى، جۋرناليست، جازۋشى الدان سمايىلعا قالامىزدىڭ قۇرمەتتى ازاماتى اتاعىن بەرۋدى ۇسىنعان ەدىك. بۇل - وتە ماڭىزدى ماسەلە. قالامىزدا قازاق ءتىلىنىڭ دامۋىنا ۇلكەن ۇلەس قوسقان، قالامىزدىڭ تاريحىن جازعان ازامات. وسى اتاققا لايىقتى دەپ سانايمىز، - دەدى باۋىرجان سمايىلوۆ.

استانا قالالىق تىلدەردى دامىتۋ جانە ارحيۆ ءىسى باسقارماسىنىڭ باسشىسى ساكەن ەسىركەپ اكىمدىك اپپاراتىندا ەلوردانىڭ قۇرمەتتى ازاماتى اتاعىن بەرۋ ماسەلەسىن تالقىعا سالاتىن ارنايى كوميسسيا بار ەكەنىن اتاپ ءوتتى.

- كوميسسيانىڭ ەرەجەسى، جۇمىس ءتارتىبى بار. ءيا، كوميسسيانىڭ ءبىر مۇشەسىمىن. بۇل ۇسىنىستى ارىپتەستەرىممەن تالقىلايىن. تەك مەن شەشەتىن ماسەلە ەمەس. باسشىلىق، كوميسسيا دەڭگەيىندە تالقىلاناتىن جايت. جالپى، الدان سمايىل اعامىزدىڭ ەلوردانىڭ دامۋىنا قوسقان ۇلەسىن، قايراتكەرلىگىن وتە جاقسى بىلەمىز، قۇرمەتتەيمىز. ارينە، لايىقتى دەپ سانايمىن. الداعى ۋاقىتتا جۇمىس تارتىبىمەن قاراستىرامىز، - دەدى ول.

وسى ورايدا باۋىرجان سمايىلوۆ الدان سمايىلدىڭ ەشقانداي تۋىستىعى جوق ەكەنىن ەسكەرتىپ ءوتتى.

بۇعان دەيىن ەلوردا كوشەلەرىنىڭ بىرىنە ارميان ءالىپبيىنىڭ نەگىزىن قالاعان مەسروپ ماشتوتستىڭ ەسىمى بەرىلەتىندىگىن جازعان ەدىك.

اۆتور

مارلان جيەمباي