ءماجىلىس جەر قويناۋىن پايدالانۋعا قاتىستى قۇجاتتى تالقىلايدى

استانا. KAZINFORM - پارلامەنت ءماجىلىسىنىڭ قاراۋىنا مەملەكەت باسشىسىنىڭ تاپسىرمالارىن ىسكە اسىرۋ بويىنشا «جەر قويناۋى جانە جەر قويناۋىن پايدالانۋ تۋرالى» كودەكسىنە وزگەرىستەر مەن تولىقتىرۋلار ەنگىزۋ تۋرالى» زاڭ جوباسى كەلىپ ءتۇستى.

«زاڭ جوباسى مەملەكەت باسشىسىنىڭ قازاقستان حالقىنا جولداۋلارىندا ايتىلعان تاپسىرماسىن ىسكە اسىرۋعا باعىتتالعان. قۇجاتتا جەر قويناۋىن پايدالانۋدىڭ ءبىرىڭعاي پلاتفورماسى اقپاراتتىق جۇيەسىن قۇرۋ ەسكەرىلگەن. سونىمەن قاتار جەر قويناۋىن پايدالانۋدىڭ ءبىرىڭعاي پورتالى ارقىلى العاشقى ءوتىنىم قاعيداتى بويىنشا جەر قويناۋىن پايدالانۋعا ليتسەنزيالار بەرۋدى رەتكە كەلتىرۋ قاراستىرىلعان»، - دەدى ءماجىلىستىڭ ەكولوگيا ماسەلەلەرى جانە تابيعات پايدالانۋ كوميتەتىنىڭ ءتوراعاسى ەدىل جاڭبىرشين ءماجىلىستىڭ جالپى وتىرىسىندا.

اتالعان زاڭ جوباسىندا ەكى كەزەڭ ارقىلى جەر قويناۋىنىڭ مەملەكەتتىك قورىن باسقارۋدىڭ باعدارلاماسىن ۇدايى قايتا بەكىتۋ تەتىگىن الىپ تاستاۋ ۇسىنىلعان. سونداي-اق مەملەكەتتىك جەر قويناۋى قورىن باسقارۋ باعدارلاماسىنىڭ ورنىنا اۋكسيوندار باعدارلاماسىنىڭ تەتىگىن ەنگىزۋ ەسكەرىلگەن.

«مەملەكەت باسشىسىنىڭ تاپسىرمالارىن ىسكە اسىرۋ باعىتىندا ولاردا زاڭنامالىق دەڭگەيدە بەكىتۋگە مۇمكىندىك بەرەتىن ءبىرقاتار تۇزەتۋلەردى ەنگىزۋ قامتىلعان. كوميتەت زاڭ جوباسى بويىنشا قورىتىندى ىزىرلەۋگە دايىن»، - دەدى دەپۋتات.