ءبىر كۇندىك جالاقىنى اۋدارۋ تۋرالى ەشقانداي تاپسىرما بەرىلگەن جوق - اكىمدىك

ماڭعىستاۋ وبلىستىق اكىمدىگى قاراجات اۋدارۋ تۋرالى ەشقانداي تاپسىرما بەرىلمەگەنىن، حالىق ەرىكتى تۇردە كومەك قولىن سوزىپ جاتقانىن حابارلادى.

اكىمدىك قازا تاپقان اسكەري قىزمەتشىلەردىڭ وتباسىلارىنا ماتەريالدىق قولداۋ كورسەتكىسى كەلەتىن ازاماتتار، بيزنەس وكىلدەرى مەن ۇيىمدار ءۇشىن ءبىرىڭعاي قور جۇمىس ىستەپ تۇرعانىن ءمالىم ەتتى.

- بۇل رەتتە قاراجات اۋدارۋ تەك ەرىكتى تۇردە جۇزەگە اسىرىلادى. وبلىس اكىمدىگى تاراپىنان ازاماتتارعا، كاسىپكەرلەرگە، ۇيىمدارعا نەمەسە ولاردىڭ قىزمەتكەرلەرىنە قاراجات اۋدارۋ تۋرالى ەشقانداي تاپسىرما، تالاپ نەمەسە نۇسقاۋ بەرىلگەن جوق جانە بەرىلمەيدى. سونداي-اق قىزمەتكەرلەردىڭ ءبىر كۇندىك جالاقىسىن اۋدارۋى تۋرالى ەشقانداي تاپسىرما بەرىلگەن جوق. جالاقىنى كومەك رەتىندە اۋدارۋ مىندەتتى ەمەس جانە ءار قىزمەتكەردىڭ جەكە شەشىمى بويىنشا عانا جۇزەگە اسىرىلادى، - دەلىنگەن حابارلامادا.

قولداۋ كورسەتكىسى كەلەتىن ازاماتتار قوردىڭ رەسمي رەكۆيزيتتەرى ارقىلى قاراجاتتى ەرىكتى تۇردە اۋدارا الادى نەمەسە قازا تاپقان اسكەري قىزمەتشىلەردىڭ تۋىستارىنا تىكەلەي ماتەريالدىق كومەك كورسەتە الادى.

- كومەك كورسەتۋ نەمەسە كورسەتپەۋ - ءار ادامنىڭ جەكە شەشىمى. قاراجات اۋدارۋعا ەشكىمدى ماجبۇرلەۋگە بولمايدى، - دەپ جازدى اكىمدىكتىڭ باسپا ءسوز قىزمەتى.

ايتا كەتەيىك، حالىق كەڭەسى مۇشەلەرى قازا تاپقان اسكەريلەردىڭ وتباسىلارىنا 815 ميلليون تەڭگە بولگەن ەدى.

بۇگىن «ادىلەت» پارتياسى قازا تاپقان اسكەري قىزمەتشىلەردىڭ وتباسىلارىنا 1,5 ميلليارد تەڭگە اۋداراتىنىن مالىمدەدى.