ءاليحان سمايىلوۆ قىزىلشا اۋرۋى تۋرالى: سوڭعى 10 جىلدا بولماعان جاعداي
ەلىمىزدە قىزىلشا اۋرۋىنىڭ تارالۋى اسىرەسە بالالار اراسىندا جيىلەپ وتىر. بۇل تۋرالى ۇكىمەت باسشىسى ءاليحان سمايىلوۆ ءمالىم ەتتى، دەپ حابارلايدى Kazinform.
«جۇقپالى اۋرۋلاردى ازايتۋ شارالارى ۇكىمەتتە بىرنەشە رەت قارالدى. كەڭ تارالعان ۆيرۋستىق ينفەكسيالار بويىنشا دا كورسەتكىشتەر (B ۆيرۋستى گەپاتيتى، روتاۆيرۋستى ينفەكسيا، ديزەنتەريا جانە ت. ب. ) تومەندەدى»، - دەدى ءاليحان سمايىلوۆ ۇكىمەت وتىرىسىندا.
ۇكىمەت باسشىسى ەلىمىزدە قىزىلشانىڭ ادەتتەن تىس تارالۋىنا الاڭداتۋشىلىق ءبىلدىردى.
«وكەن جىلدان بەرى ەلىمىزدە قىزىلشامەن اۋىرعاندار سانى ايتارلىقتاي ءوسىپ كەتتى. ول سوڭعى 10 جىلدا بولماعان كورسەتكىشكە جەتىپ وتىر. ولاردىڭ %80 كە جۋىعى - 14 جاسقا دەيىنگى بالالار. اۋىرعانداردىڭ كوپشىلىگى - ءتيىستى ەكپە الماعاندار. ەكپە الماعان ناۋقاستاردىڭ اۋرۋى اسقىنىپ كەتۋ قاۋپى جوعارى. مۇنداي جاعدايلار قازىردىڭ وزىندە تىركەلىپ وتىر»، - دەيدى ول.
