ءاليحان سمايىلوۆ جۇمىس ساپارىمەن قىرعىزستاندا ءجۇر
ق ر پرەمەر- ءمينيسترى ءاليحان سمايىلوۆ ۇكىمەت دەڭگەيىندەگى ءبىرقاتار ءىرى ءىس- شاراعا قاتىسۋ ءۇشىن بىشكەك قالاسىنا (قىرعىزستان) جۇمىس ساپارىمەن باردى، دەپ حابارلايدى Kazinform.
ش ى ۇ- عا مۇشە مەملەكەتتەردىڭ ۇكىمەت باسشىلارى كەڭەسىنىڭ وتىرىسىندا شاڭحاي ىنتىماقتاستىق ۇيىمىنىڭ كەڭىستىگىندە ساۋدا- ەكونوميكالىق جانە مادەني- گۋمانيتارلىق سالالارداعى ءوزارا ءىس- قيمىلدى نىعايتۋ جونىندەگى شارالار تالقىلانادى.
ت م د ەلدەرى ۇكىمەت باسشىلارى كەڭەسى مەن ەۋرازيالىق ۇكىمەتارالىق كەڭەس شەڭبەرىندە كەڭ اۋقىمداعى ىنتىماقتاستىق ماسەلەلەرىن تالقىلاۋ جوسپارلانعان.
ونىڭ ىشىندە گەودەزيا جانە كارتوگرافيا سالاسىنداعى ءوزارا ءىس- قيمىل، تاۋارلاردى سەرتيفيكاتتاۋ جانە كەدەندىك دەكلاراتسيالاۋ، ونەركاسىپتىڭ ءتۇرلى سالالارىندا كووپەراتسيالىق جوبالاردى ىسكە اسىرۋ، ەنەرگەتيكا جانە اۋىل شارۋاشىلىعى سالالارىنداعى بىرلەسكەن قادامدار قارالادى.
ءىس- شارالار قورىتىندىسى بويىنشا ءبىرقاتار قۇجاتقا قول قويىلادى دەپ كۇتىلىپ وتىر.