ءال-فارابي داڭعىلىنداعى جول اپاتى بويىنشا ەكس-پوليتسەيگە سوت ۇكىمى شىقتى

ءۇش ادامنىڭ ءومىرىن قيعان جول اپاتى كەزىندە الماتى قالاسى پوليتسيا دەپارتامەنتى باستىعىنىڭ ەكس-ورىنباسارى ەرجان ۇزابايەۆتىڭ جۇرگىزۋشى قىزمەتىن اتقارعان اسەت جاقسىلىقوۆتىڭ ءىسى سوتتا قارالدى.

ول قايعىلى وقيعا بولعان ساتتە الەكساندر پاكتىڭ قاسىندا ەكىنشى كولىكتى باسقارعان. سوت ۇكىمىمەن جاقسىلىقوۆ ق ر قىلمىستىق كودەكسىنىڭ 370-بابى (قىزمەتتەگى ارەكەتسىزدىك) بويىنشا كىنالى دەپ تانىلدى جانە 3,5 جىلعا باس بوستاندىعىنان ايىرىلدى. ۇكىم زاڭدى كۇشىنە ەنگەن جوق. بۇل اقپاراتتى الماتى سوتىنىڭ باسپا ءسوز قىزمەتى راستادى.

ەسكە سالايىق، 2026-جىلعى 21-ناۋرىزعا قاراعان ءتۇنى Zeekr كولىگىنىڭ جۇرگىزۋشىسى ءال-فارابي داڭعىلىنىڭ بويىمەن كەلە جاتىپ، قارسى قوزعالىس جولاعىنا شىعىپ كەتىپ، Mercedes اۆتوكولىگىمەن سوقتىعىسقان.

جول اپاتى سالدارىنان Mercedes كولىگىنىڭ جۇرگىزۋشىسى مەن ەكى جولاۋشىسى وقيعا ورنىندا قازا تاپتى. اتالعان دەرەك بويىنشا ق ر قىلمىستىق كودەكسىنىڭ 345-بابى 4-بولىگى بويىنشا قىلمىستىق ءىس قوزعالدى.

بۇل وقيعا بويىنشا سوتتا اسەت جاقسىلىقوۆتان دا جاۋاپ الىنعان بولاتىن.

كەيىن 22-ماۋسىمدا سوت الەكساندر پاكتى ق ر قىلمىستىق كودەكسىنىڭ 345-1-بابى بويىنشا كىنالى دەپ تانىلىپ، 10 جىلعا باس بوستاندىعىنان ايىرىلدى⁠. سونداي-اق سوتتالۋشى پاك ءومىر بويىنا جۇرگىزۋشى كۋالىگىنەن (كولىك باسقارۋ قۇقىعىنان) ايىرىلدى. قازا تاپقان قىزدىڭ اكەسىنە تيەسىلى تالاپ ارىز ءىشىنارا قاناعاتتاندىرىلىپ، 10 ميلليون تەڭگە كولەمىندە وتەماقى بەلگىلەندى.