ءماجىلىس قازاقستان مەن قىتاي اراسىنداعى ينۆەستيسيالاردى قورعاۋ تۋرالى زاڭ قابىلدادى

اتالعان كەلىسىمگە 2025 -جىلعى 16-ماۋسىمدا ق ح ر ءتوراعاسى شي جينپيڭنىڭ استانا قالاسىنا ساپارى بارىسىندا قول قويىلدى.

- بۇل كەلىسىم قازاقستان مەن قىتاي اراسىنداعى 1992 -جىلعى 10-تامىزداعى قولدانىستاعى حالىقارالىق شارتتى وزەكتەندىرىپ، ەكى مەملەكەتتىڭ اراسىنداعى ينۆەستيسيالىق مۇمكىندىكتەردى كەڭەيتەدى، نەعۇرلىم جەتىلدىرىلگەن قورعاۋ تەتىكتەرى مەن كەپىلدەكتەردى ۇسىنادى، سونىمەن قاتار ەكىجاقتى ىنتىماقتاستىقتى جاڭا دەڭگەيگە كوتەرەدى. حالىقارالىق شارت ينۆەستورلارعا قۇقىقتىق كەپىلدىكتەر بەرىپ قانا قويماي، ينۆەستيسيالىق قىزمەتتى جۇزەگە اسىرۋ ءۇشىن اشىق جانە بولجامدى جاعدايلاردى قامتاماسىز ەتەدى. ول ەكسپروپرياتسيادان قورعاۋ، حالىقارالىق اربيتراجعا قول جەتكىزۋ، ينۆەستورلارعا ءادىل ءارى تەڭ قۇقىلى كوزقاراس بويىنشا ەرەجەلەردى بەكىتەدى، - دەدى ق ر سىرتقى ىستەر ءمينيسترىنىڭ ورىنباسارى الىبەك قۋانتىروۆ.

ونىڭ ايتۋىنشا، ەكى ەل اراسىنداعى قاتىناستار جان-جاقتى ستراتەگيالىق ارىپتەستىك دەڭگەيىنە جەتتى.

2025 -جىلى قىتايدان تارتىلعان تىكەلەي شەتەلدىك ينۆەستيسيا كولەمى 2,8 ميلليارد ا ق ش دوللارىن قۇرادى، بۇل ونىڭ الدىنداعى جىلدىڭ سايكەس كەزەڭىمەن سالىستىرعاندا 2,4 ەسە جوعارى (2024 -جىلى - 1191,5 ميلليون ا ق ش دوللارى).

- 2005 -جىلدان باستاپ 2025 -جىلعا دەيىن قىتايدان تارتىلعان ينۆەستيسيانىڭ جالپى كولەمى 29,3 ميلليارد ا ق ش دوللارىن قۇرادى. 2025 -جىلعى قاڭتار - جەلتوقسان ارالىعىندا ەكىجاقتى تاۋار اينالىمى 34,1 ميلليارد ا ق ش دوللارىن قۇرادى (ەكسپورت - 15,2 ميلليارد ا ق ش دوللارى، يمپورت - 18,9 ميلليارد ا ق ش دوللارى)، بۇل ونىڭ الدىنداعى جىلدىڭ سايكەس كەزەڭىمەن سالىستىرعاندا %13,2 عا جوعارى. كەلىسىم ەلدەر اراسىنداعى ءوزارا ءتيىمدى ارىپتەستىكتى ودان ءارى نىعايتۋعا باعىتتالعان. كەلىسىمدى ىسكە اسىرۋ تەرىس الەۋمەتتىك-ەكونوميكالىق سالدارعا اكەپ سوقپايدى، سونداي-اق رەسپۋبليكالىق بيۋدجەتتەن قوسىمشا شىعىندارىن تالاپ ەتپەيدى، - دەدى ءمينيستردىڭ ورىنباسارى.

بۇدان بۇرىن حابارلانعانداي، قازاقستان مەن قىتاي زيانكەستەرگە قارسى بىرلەسكەن مونيتورينگ جۇرگىزەدى.