ءابۋ ناسىر ءال-فارابي ادامداردى ءۇش توپقا بولگەن
استانا. قازاقپارات - ءابۋ ناسىر ءال-فارابي ادامداردى ءۇش توپقا بولگەن ەكەن: ەرىكتى ادام، قۇل ادام، اۋان ادام دەپ.

ەرىكتى ادام دەپ ەركىن ويلاي الاتىن، ويلاعان ويىن كەز كەلگەن جەردە، ورتادا ايتىپ جەتكىزە الاتىن ادامدى ايتىپتى.
قۇل ادامعا ەرىك دەپ نە ەركى جوق، وزىنشە ويلاي المايتىن، نە ويىن تۇجىرىمداپ ايتا المايتىن ادامداردى جاتقىزىپتى.
اۋان ادام دەگەنى كىم نە ايتسا، سوعان ەسى اۋىپ، قۇلاي جىعىلاتىن ەرمە، جالتاق ادامدار ەكەن.
رۋحاني ومىردەگى كۇپىرلىكتەر مىنا رەتپەن كەلەدى: مەنمەندىك، اشكوزدىك، اشۋشاڭدىق، قاراۋلىق، ۋايىمشىلدىق، كۇنشىلدىك، ۋاقىتتى بوسقا ءولتىرۋ.
بۇگىنگى ەڭ ۇلكەن كۇپىرلىك - تۇرمىستىق جاعدايى جاقسى بولۋى ءۇشىن ادام وزگەلەردى جەك كورۋى، ءسويتىپ ماحابباتتى ساتۋى، ال ول ادامداعى ىزگى سەزىمدى ولتىرەدى، وزگەلەردىڭ سەزىمىنە دە شابۋىل جاسايدى.
ەكىنشى - وتكەنگە، بۇگىنگە نەمەسە بولاشاققا وكىنۋ، وقيعانى تەزدەتۋگە، نەمەسە توقتاتۋعا تىرىسۋ، ياعني ۋاقىتقا قارسى باعىتتالعان بارلىق قاتەلىك.
ءۇشىنشىسى - ادامداردى جەك كورۋ مەن ولارعا رەنجۋ، ادامعا دەگەن دورەكى قاتىناس.
ءتورتىنشى - ءتىرى جانە ءولى وبيەكتىلەرگە عايبات ءسوز ايتۋ.
دايىنداعان: اكەجان داكەن
massaget.kz