بيزنەسكە قاتىستى زاڭسىز شەشىمدەردى جويۋدا، پروكۋرورلىق سۇزگى ماڭىزدى - ۇكىمەت باسشىسى

استانا. KAZINFORM – ق ر پرەمەر-ءمينيسترى ولجاس بەكتەنوۆ ينۆەستورلاردىڭ قۇقىعىن قورعاۋدا بيزنەستىڭ دە مۇددەسى ماڭىزدى ەكەنىن ايتتى.

«ەڭ ماڭىزدى باسىمدىقتىڭ ءبىرى - وتاندىق ونەركاسىپتى دامىتۋ. وتاندىق كومپانيالار ءىرى ينۆەستورلارمەن جەتكىزۋ تىزبەگىندە جۇمىس ىستەي وتىرىپ، تاجىريبە جيناپ، ساپا ستاندارتتارىن ارتتىرادى. مۋلتيپليكاتيۆتى ءىرى ينۆەستيتسيالىق جوبالار ءارتاراپتاندىرىلعان ەكونوميكالىق ەكوجۇيەنىڭ قالىپتاسۋىنا ىقپال ەتە وتىرىپ، شاعىن جانە ورتا بيزنەس بەلدەۋىنىڭ دامۋىنا اسەر ەتەدى. ەلىمىزدەگى شەتەلدىك وندىرىستەردىڭ دامۋىمەن ونىمدەردەگى قازاقستاندىق قامتۋدىڭ ۇلەسىن ارتتىرۋعا تالپىنامىز. وتاندىق ونەركاسىپتى ىلگەرىلەتۋ ماقساتىندا ساتىپ الۋداعى وففتەيك- كەلىسىمشارتتاردىڭ ۇلەسىن %10 عا دەيىن جەتكىزۋ جوسپارلانۋدا»، - دەدى ولجاس بەكتەنوۆ ەلوردادا ءوتىپ جاتقان «جاھاندىق ينۆەستيتسيالىق ۇردىستەر: بولاشاقتى پايىمداۋ» اتتى فورۋم بارىسىندا.

پرەمەر- مينيستر وتاندىق كادرلاردى دايارلاۋ مەن قولداۋ ماسەلەسىنە ەرەكشە كوڭىل بولىنەتىنىن ايتتى. كۇن تارتىبىندە الدىمەن وتاندىق مامانداردى ەڭبەكپەن قامتۋ.

ودان ءارى ۇكىمەت باسشىسى وتاندىق جانە شەتەلدىك ينۆەستورلاردىڭ قۇقىعىن قورعاۋدى قامتاماسىز ەتۋ ءۇشىن ءتيىستى جاعداي جاسالاتىنىن تىلگە تيەك ەتتى.

«قازاقستان ينۆەستورلارعا «استانا» حالىقارالىق قارجى ورتالىعىندا جانە ۇلتتىق قۇقىقتىق جۇيەدە اعىلشىن قۇقىعى اراسىنداعى تاڭداۋدىڭ بىرەگەي مۇمكىندىگىن ۇسىنا وتىرىپ، مونوپوليادان يۋريسديكتسياعا سانالى تۇردە كوشتى. ينۆەستورلاردى قورعاۋدىڭ تاعى ءبىر ماڭىزدى قۇرالى - بيزنەسكە قاتىستى زاڭسىز شەشىمدەردى جويۋ، بۇل جاعدايدا پروكۋرورلىق سۇزگى ماڭىزدى. ءبىز ينۆەستيتسيالاردى كوتەرمەلەۋ جانە ءوزارا قورعاۋ تۋرالى حالىقارالىق كەلىسىمدەرگە قول قويدىق. وسى سەكىلدى كەلىسىمدەر 51 ەلمەن جاسالدى»، - دەيدى ولجاس بەكتەنوۆ.

بۇعان دەيىن حابارلاعانىمىزداي، قازاقستاندا ينۆەستيتسيالىق ساياساتتىڭ جاڭارتىلعان تۇجىرىمداماسى قابىلدانادى.