بيىل مەكتەپتەردىڭ 80 پايىزىنا دەيىن جوعارى جىلدامدىقتى ينتەرنەتپەن قامتىلادى - مينيسترلىك
استانا. KAZINFORM - مەملەكەت باسشىسىنىڭ تاپسىرماسى بويىنشا ورتا ءبىلىم بەرۋ ۇيىمدارىن جوعارى جىلدامدىقتاعى جانە تۇراقتى ينتەرنەتپەن قامتاماسىز ەتۋ بويىنشا جۇمىستار جۇرگىزىلۋدە. بيىل ينتەرنەتپەن قامتۋ %65 دان %80 عا دەيىن ۇلعايتىلادى.
بۇل تۋرالى ق ر وقۋ-اعارتۋ مينيسترلىگىنىڭ باسپا ءسوز قىزمەتى حابارلادى.
ءباسپاسوز قىزمەتىنىڭ مالىمەتتەرىنە قاراعاندا، بۇل شارا وقىتۋ ءۇشىن قولايلى جاعدايلار جاساۋعا جانە ءبىلىم بەرۋ ساپاسىن جاقسارتۋعا باعىتتالعان.
«مەكتەپتەردە جوعارى جىلدامدىقى ينتەرنەتتى قامتاماسىز ەتۋدىڭ بىرنەشە ماڭىزدى ارتىقشىلىقتارى بار. بىرىنشىدەن، بۇل وقۋشىلار مەن مۇعالىمدەرگە ۇلكەن كولەمدەگى اقپارات پەن ءبىلىم بەرۋ رەسۋرستارىنا قول جەتكىزۋگە مۇمكىندىك بەرەدى، وقۋ پروتسەسى مەن وي-ءورىستى كەڭەيتۋگە ىقپال ەتەدى. ەكىنشىدەن، جوعارى جىلدامدىقتاعى ينتەرنەت ءتۇرلى ونلاين-پلاتفورمالار ارقىلى باسقا مەكتەپتەرمەن جانە ءبىلىم بەرۋ مەكەمەلەرىمەن ءوزارا ءىس-قيمىل جاساۋ مۇمكىندىگىن قامتاماسىز ەتەدى، كوممۋنيكاتسيانى دامىتۋعا جانە تاجىريبە الماسۋعا ىقپال ەتەدى»، - دەپ اتاپ ءوتتى سيفرلاندىرۋ دەپارتامەنتى ديرەكتورىنىڭ مىندەتىن اتقارۋشى مايرا مارالبايەۆا.
ايتا كەتەيىك، مينيسترلىك قولدانىستاعى ينفراقۇرىلىمدى جاڭعىرتۋ، جەلىلىك قامتۋدى كەڭەيتۋ، دەرەكتەردى بەرۋ جىلدامدىعىن ارتتىرۋ جانە شالعاي، تۇرعىنى از اۋدانداردا ينتەرنەتتىڭ قولجەتىمدىلىگىن قامتاماسىز ەتۋ سياقتى ءتۇرلى شارالاردى جوسپارلاۋدا.
وسىعان دەيىن مينيسترلىك 5425 مەكتەپتىڭ جوعارى جىلدامدىقتى ينتەرنەتپەن قامتىلعانىن مالىمدەگەن ەدى.
