بيىل العاش رەت مۇعالىمدەر كۇنى مەرەكەسى 5-قازاندا اتالىپ وتۋدە

 بيىل العاش رەت مۇعالىمدەر كۇنى مەرەكەسى 5-قازانعا بەكىتىلدى. 

ەستەرىڭىزگە سالا كەتەيىك، ءتيىستى قاۋلىنى ق ر ۇكىمەتى قابىلداعان بولاتىن، دەپ حابارلايدى قازاقپارات ق ر وقۋ-اعارتۋ مينيسترلىگىنىڭ باسپا ءسوز قىزمەتىنە سىلتەمە جاساپ.

وسىلايشا دۇنيەدەگى ەڭ اسىل، جاۋاپتى ءارى ماڭىزدى ماماندىق وكىلدەرىن بىرىكتىرەتىن بۇل مەرەكە - دۇنيەجۇزىلىك مۇعالىمدەر كۇنىمەن سايكەستەندىرىلدى.

بۇل كۇنى استانادا رەسپۋبليكالىق پەداگوگتەر سەزى وتەدى. وعان ەلىمىزدىڭ بارلىق وڭىرىنەن 700 گە جۋىق مۇعالىم قاتىسادى. پەداگوگتەر ارنايى ۇيىمداستىرىلعان الاڭدارادا وزىق ەڭبەكتەرىمەن جانە حالىقارالىق تاجىريبەلەرمەن بولىسەدى.

اتاپ وتەرلىگى، بۇگىنگى تاڭدا ەلىمىزدەگى ءبىلىم بەرۋ سالاسىندا مەكتەپكە دەيىنگى، ورتا، تەحنيكالىق جانە كاسىپتىك ءبىلىم بەرۋ باعىتىندا 500 مىڭعا جۋىق پەداگوگ جۇمىس ىستەيدى.

مەملەكەت باسشىسىنىڭ باستاماسىمەن 2019 -جىلى پەداگوگتەردىڭ مارتەبەسى جەكە زاڭمەن بەكىتىلدى.

ءتورت جىل ىشىندە مەكتەپ مۇعالىمدەرىنىڭ جالاقىسى ەكى ەسە ءوستى. 220 مىڭعا جۋىق ۇستاز تاعايىندالعان ساناتى ءۇشىن %50 عا دەيىن ۇستەمەاقى الادى. وندىرىستەن تارتىلعان تەحنيكالىق جانە كاسىپتىك ءبىلىم بەرۋ پەداگوگتەرى جالاقىسىنا %35 عا دەيىن قوسىمشا اقى الادى. بيىلعى جىلدىڭ قىركۇيەك ايىنان باستاپ 97 مىڭ تاربيەشىنىڭ جالاقىسى تاعى %30 عا كوتەرىلدى.

ايتا كەتەيىك، 1994 -جىلدان بەرى دۇنيە ءجۇزىنىڭ 100 دەن استام مەملەكەتىندە قازان ايىنىڭ العاشقى جەكسەنبىسى مۇعالىمدەر مەن ءبىلىم بەرۋ سالاسىنداعى قىزمەتكەرلەردىڭ كاسىبي مەرەكەسى بولىپ بەلگىلەنگەن. كەي مەملەكەتتەر بۇل مەرەكەنى 5-قازان كۇنى اتاپ وتەدى.